රනිල් මුදල් ඇමතිවරයා ලෙස ඉදිරිපත් කරන ප්‍රථම අයවැය (අතුරු) අනිද්දා එනම් 30 වැනිදා ඉදිරිපත් කිරීමට නියමිතය.  අයවැය පාර්ලීමේන්තුවට ඉදිරිපත් කිරීමෙන් පසු දින 4ක් වාද විවාද කිරීමට නියමිත අතර , සැප් 2 ඡන්ද විමසිමට නියමිතය.

අනිද්දා  ඉදිරිපත් කිරීමට යන අතුරු අයවැයට පොහො‍ටුවේ සහාය නොලැබිය හැකි බව මධ්‍ය කිහිපයක් වාර්තා කොට ඇත.ඇමති ධූර  නොලැබූ  පොහොට්‍ටු මන්ත්‍රීන් රනිල්ට එරෙහිව යාමට තීන්දු කොට ඇති බව එම මාධ්‍ය වාර්තා කොට ඇත.

කරුනු එසේ හෙයින් එම තත්වය  පිලිබදව රනිගේ සමීපතයකුගෙන් අප විමසීමක් කළෙමු.  එහිදී ඔහු කී කරුනු පහත පරිදිය.

1. ඇමති ධූර නොලැබීම පිළිබදව පොහොට්‍ටු මන්ත්‍රීන් ගණනාවක් රනිල් සමග අසතුටෙන් සිටින බව සත්‍යකි.නමුත් එය රනිල් සහ පොහොට්‍ටුව අතර ගැ‍ටුමක් නොවේ.

2. අයවැයක් සම්මත කරගැනීමට හොහැකි වුව හොත් එහි අවසාන ප්‍රතිඵලය පාර්ලීමේන්තුව විසුරුවා හැරීමය. මැතිවරණයකින් පසුව බිහිවන රජය  මීට වඩා අස්ථාවර එකක් වීම නොවැලැක්විය හැක.

3. අතුරු අයවැය ජනයාට සෙත සැලසීම සහ වැරදී ආර්ථික ප්‍රතිපත්ති කිහිපයක් නිවරදි කිරීම උදෙසා පිලියෙල කල එකකි.

4. ඇමති ධූර ඉල්ලා කරන සටන සාම්ප්‍රදායික එකකි . එම කෝණයයෙන් බල විට එය සාධාරණ සටනකි.  නමුත් දැන්  සිටින්නේ අති විශේෂ  කාල වකවානුවකයි. සාම්ප්‍රදායික පිළියම් යෙදිය නොහැකි කාලයකය.

5. පොහො‍ටු මන්ත්‍රීන් හොඳ ඉවකින් යුතු පිරිසකි. තමන්ගේ ගෙල සියතින් සිඳ ගැනීමට තරම්  මෝඩයන් නොවේ .  එමනිසා අතුරු අයවැය ඉහල ඡන්ද ප්‍රතිශතයකින් නියත වශයෙන්ම සම්මත වීමට නියමිත බව තොරතුරු දුන් ප්‍රභලයා කීවේය

මහබංකු අධිපති රට  බංකොලොත් යයි  ප්‍රකාශ කළේ  ලංකාවට ණය ගෙවීමට හැකියාව තිබියදී බව ගිය සතියේ සන්ඩේ ටයිම්ස් පුවත් පත හෙලිදරව් කොටතිබුණි.

මූලාශ්‍ර ගණනාවකින් ඩොලර් ණය ගැනීමට සැලසුම් කර තිබූ බවත් නන්දලාල්ගේ  සාහසික මාධ්‍ය සාකච්ඡාව නිසා එම සැලසුම් උඩු යටිකුරු වූ බව සන්සේ ටයිම්ස් හෙලිකොට තිබුනි.එම ලිපිය පලවීමෙන් පසු නන්දලාල් සන්ඩෙ ටයිම්ස් පාලන අධිකාරියට කතා කොට තර්ජනය කළ බව මාධ්‍ය වාර්තා කොට තිබුණි

මෙම උණුසුම අතරතුරම,  ශ්‍රී ලංකාවේ වර්තමාන ආර්ථික තත්ත්වය හා ඉදිරි මඟ” මැයෙන් මහ බැංකු අධිපතිවරයා මෙහෙයවන සංවාදමය කථිකාවක් සංවිධානය කොට ඇත .ඊට සහභාගී වන ලෙස පාර්ලිමේන්තුවේ වැඩබලන මහ ලේකම්වරිය සියලු මන්ත්‍රීවරුන්ට දැනුම්දී ඇත

මෙම සංවාදමය කථිකාව 2022 අගෝස්තු 30වන අඟහරුවාදා පස්වරු 2.00 සිට පස්වරු 4.00 දක්වා පාර්ලිමේන්තුවේ කාරක සභා කාමර අංක 1 හිදී පැවැත්වීමට නියමිතය.

මහජනතාව වෙනුවෙන් පහත ප්‍රශ්න මහබැංකු අධිපතිගෙන් විමසන ලෙස  ඉල්ලා සිටිමු.

1. ණය ගෙවීමට හැකිව තිබියදී , ණය ගෙවිය නොහැකි බව ප්‍රකාශ කිරීම ඓතිහාසික වරදකි.

2. බුන්වත්භාවය පිළිබදව පාර්ලීමේන්තුව දැනුවත් නොකිරීම වරදකි. නිසි පටිපාටියෙන් බැහැරව එවැනි සංවේදී කරුණක් කෙලින්ම දෙස් විදෙස් මාධ්‍ය වලට ප්‍රකාශ කිරීම වරදකි.

3. ලංකාවේ ආහාර හිගයි කියමින්  හදිසියේ ඉන්දියාවෙන් ආහාර නැවක් එවීම , හිගන්නන් පවා මුදල් එවීම  ලංකාව බුන්වත් බව  ලෝකයට පෙන්වීමට සිදුකල කුමන්ත්‍රණ වෙයි . මේවා ඉන්දයාවේ රෝ සංවිධානයේ කූට සැලසුම්ය.

4. 2012 ඉන්දියාවේ ආර්ථිකය කඩා වැ‍ටුනු විට, ඉන්දියාවට ගොඩ ගැනීමට පත් කළ  IMF නියෝජිතයා තමා බව  නන්දලාල්ම  පවසා ඇත.නන්දලාල් රෝ ඔත්තු සේවයට අනුබද්ධ Central Economic Intelligence Bureau (CEIB) එකට සම්බන්ධ බවට  ප්‍රකට ට්විටර් පි‍ටු ගනනාවකින් චෝදනා කොට ඇත.

5.ලංකාවේ ආර්ථික කඩා වැටීම ඉන්දියාවට හොද ඉල්ලමක් විය. ඉන්දියාව ලංකාවට උදව්  කරන මුවාවෙන් සෑම ක්ෂේත්‍රයකින්ම පහේ අසීමිතව ලාබ උපයා ඇත. ඉන්දියාවට වාසි වනලෙස ගත් ආර්ථික තීන්දු වලට නන්දලාල් උදව් කළාද ?

6. ‘ගෝඨා ගෝ’ කැ‍රැල්ල විදෙස් හස්ථයක් විසින් මෙහෙයූ බවට ඕනෑ තරම් සාක්ෂි ඇත.  නන්දලාල් අප්‍රි 12 වැනිදා ලංකාව බුන්වත් රටක් ලෙස ලෝකයා හමුවේ ප්‍රකාශ කළේ එම කුමන්ත්‍රණයේ කොටසක් ලෙසද ?

7. ගෝඨා  ඉල්ලා අස්වී දින තුනකින් ,  IMF නොයාම වරදක් බව නන්දලාල් කීවේය.වසර 12 පුරා මහ බැංකුවේ දෙවෙනියා වූ ඔහු එවැනි ප්‍රකාශයක් කිරීමේ සුජාත භාවය කුමක්ද ?

අපේ රටේ 1971 හා 89 දී තරුණ කැරලි  දෙකක් සිදුවිය.  ඒවාට හේතු වු කරුනු සෙවීම සදහා කොමිසම්  පත් කළේය. 2022දී යලිත් තරුණ කැ‍රැල්ලක් ඇති විය.

2022 තරුණ කැ‍රැල්ලේ  ප්‍රධාන සටන් පාඨ කිහිපයකි

1. ගෝඨා ගෙදර යැවීම
2. දූෂිත නිසා 225 එපා
3. රාජ්‍ය නායකයන් වයස්ගත වූවන් බව
4. ආර්ථික සහන

ගෝඨා ගෙදර යැවීමෙන් සිදුවූයේ රනිල් බලයට පත් වීමය , එම සිදුවීමෙන්ම කැරලිකරුවන්ගේ ලහු‍ටු ලාමක දැක්ම විද්‍යා මාන විය

ලෝකයේ රාජ්‍ය නායකයන්ගෙන් 95 % පමණ වයස 50 ඉක්මවූ අය වෙයි. ලෝකයේ 40 අඩු රාජ්‍ය නායකයන් සිටින්නේ තිදෙනෙකි,  ඒ ‍ෆින්ලන්තයේ ,සැන් මරීනෝ , සහ උතුරු කොරියාවේය.

225 දූෂිත බව හුදු මෝඩ කථාවකි.  මක්නිසාදයත් රටක ප්‍රධාන බල කනු 4කි.  225ට වඩා,රටේ අනෙක් බල කණු 3 වන රාජ්‍ය සේවය   ජනමාධ්‍ය , සහ නීති ක්ෂේත්‍රය දූෂිතය.

අද ලංකාව බංකොලොත් වී ඇත. ඊට හේතුව 225 හේ දූෂණ යයි බොහෝ දෙනෙකු සිතයි.නමුත් එය ඇත්ත නොවේ.  රට බංකොලොත් වූයේ නිෂ්පාදන ආර්ථිකයක් වෙනුවට සුභසාදන ආර්ථිකයක් පවත්වාගෙන යාම නිසාය. ලංකාවේ රජය ආදයම මෙන් තුන්ගුණයක් වියදම් කරයි.රට තුලට එන ඩොලර් ප්‍රමාණය මෙන් දෙගුණයක් ආනයන සදහා වියදම් කරයි.

පසුගිය වසර 50 පුරා අදායම් වියදම් අතර වෙනස සහ ඩොලර් හිගය සදහා පිලියම් ලෙස කරන්නේ පිට රටින් ඩොලර් ණය ගැනීමය.ලංකාවේ විදේශ ණය වලින් 50% එදා වේල ණය වෙයි.(රාජ්‍ය සේවක වැ‍ටුප් ගෙවීමට, ණය ගෙවීමට ගන්නා ණය )

ලංකාවට ආනයනය කරන ඉන්ධන වලින් 60% යොදවන්නේ විදුලි බලය නිෂ්පාදනය කිරීමටය. ශ්‍රී ලංකා විදුලි බල මණඩලයේ වැඩිම ඒකක ප්‍රමාණයක් පරිබෝජනය කරන්නේ ජාතික ජල සම්පාදන දෙපාර්තමේන්තුවය .ඔවුන් වාර්ශිකව රු බිලියන 3.3 ක් ඒ සදහා වැය කරයි

සූර්යාලෝකය මෙන් විදුලිය, ඉන්ධන,  ගෑස්, පොහොර නොමිලේ ලැබෙන්නේ නැත. විදුලි බිල , ජල බිල වැඩි කිරීමේ සූත්‍රය ඔනෑම ගොනෙකුට ඉහත දත්ත හරහා තේරුම් ගත හැක .

ආර්තික සහන ලබා දුන හොත්  ඒ සදහා මුදල් රනිල් හෝ බැසිල් ගෙදරින් ගෙන එන්නේ නැත. එම වියදම දැරිමට සිදුවන්නෙ ජනතාවටමය.

කරුණු එසේ හෙයින් හුදෙක් බොරු විරෝධතා හකුලාගෙන නිෂ්පාදන ආර්ථිකයක් ගැන කතිකාව දැන්වත් ආරම්භ කළ යුතුය.

71 සහ 89 කැරලි වලට හේතූ  භූතවූ කරුණු කුමක් වුවත් 2022 කැ‍රැල්ලට හේතූ වූයේ තරුණයන්ගේ  ප්‍රඥාවේ හිග කමය.

අනෙක් කරුන මෙම කැ‍රැල්ලේ සාමාජිකයන්ගෙන් බහුතරය සහශ්‍රයේ දරුවන්ය . ( 2000 පසු ඉපදුන දරුවන්ය).

මොවුන් ස්මාට් ෆෝන් එක අතේ තබාගෙන ඉපදුන අය වෙයි. අවාසනාවට ඔවුන් ස්මාට් ෆොන් එක භාවිතා කොට තම දැනුම වැඩි කර නොගත්තේය . ඔවුන් එය පස්කම් සැප සෙවීම සදහා බාවිතා කළේය . එම සැපට ඔවුන් ඇබ්බැහි වූහ . එම සැප සියල්ල ආනයනය කළ ඒවා විය. කොරෝනා වසංගතය පැමිනීම නිසා ආනයක එම භාන්ඩ හා සේවා ඇනහිටියේය .

දැනුමෙන් හීන වූ ඔවුන් ආර්ථික අර්බුධයට උද්ගෝෂණ වලින් විසදුම් සෙවිය හැකි යයි සිතූහ.අරගල වලින් දේශපාලන අර්බුධවලට මිස, ආර්ථික අර්බුධවලට විසදුම් සෙවිය නොහැකි බව ඔවුන් නොදැන සිටියහ. අරගල වලින් ආර්ථික අර්බුධය උග්‍ර වන බව ඔවුන් නොදත්හ

කරුණු එසේ හෙයින් නිෂ්පාදන ආර්ථිකය පිළිබද කතිකාව මෙන්ම රටේ දරුවන්ගේ සාමාන්‍යය දැනීම ඉහල නැංවිය යුතුය. එසේ නොමැති වුවහොත් කපටි නාකි මයිනන් සහ දෙස් විදෙස් දුෂ්ඨ බලවේග , ඔවුන්ගේ ප‍ටු දේශපාලන ව්‍යාපෘති සදහා දරුවන් යොදාගනු ඇත

චීන යුවාන් වැන්ග් 5’ හම්බන්තොට වරායට මුළු කලාපයම උණුසුම කළ පුවතකි. මෙය වෙළද නෞකාවක් නොවේ.එය චීන People’s Liberation Army (PLA) ට අයත් මිලිටරි නෞකාවකි. මෙම නෞකාව අද ලෝකයේ මිළ අධිකතම සම්පත එනම්  තොරතුරු  හඹා යන්නකි.

වෙළද ගිණුමේ ශේෂය යනු ආනයන සහ අපනයන අතර වෙනසයි. වසර 20 කට පසු ලංකාවේ වෙළද ගිණුමෙ ශේෂය ධන අගයක් ගෙන  ඇත. මෙවැනි වාසි සහගත තත්වයක් අවසාන වතාවට වාර්තා වී ඇත්තේ 2002 වසරේදීය.

ලංකාවේ ආර්ථිකය විනාශ කළේ දේශපාලනඥයන් විසින් යයි පැවසීම  බොරුවකි. බ්‍රිතාන්‍ය ජාතිකයන් විසින් ලංකාව පාලනය කරන කාලයේ පටන් ලංකාවේ වෙළද ගිණුමෙ පැවතියේ හිගයකි.

එකල ලංකාවේ සහ ඉන්දියාවේ  ආදයම් සහ වියදම් කළමනාකරණය කළේ එක් (P&L) ගිණුමකිනි. යටත් විජිත සමයේදී ලංකාවේ මෙහෙයුම් වියදම අධික විය. බ්‍රිතාන්‍යයන්, ඉන්දියාවේ මෙහෙයුම් වලින් විශාල ලාභයක් ලැබූ අතර ලංකාව දිව්වේ පාඩු පිටය . ලංකාවේ අලාභය ඉන්දීය ගිණුමෙන් කවර් කළේය

ඉන්දියාවට නිදහස ලබා දීමෙන්  පසු ලංකාව යටත්විජිතයක් ලෙස පවත්වාගෙන යාම බ්‍රිතාන්‍යන්ට අවාසිදායක විය.එම නිසා සුද්දන් ලංකාව අතහැරියේය  ලංකවේ ආර්ථික අර්බුධය එදා සිටම පැවත එන්නක් බව මින් පෙනී යයි. ලංකාව නිදහස ලබන විට සිංගපූරුවට ඉදිරියෙන් සිටියා යයි පැවසීම හරසුන් එකකි . එය ”ඌ විශ්ව විද්‍යාලයට තේරුනාට මොකද , හොඩියේ පන්තියේදී ඌට වඩා මමනෙ දක්ෂ ” වැනි කතාවකි.

ලංකාව බංකොලොත් වූයේ මෙරට මිනිසුන්ගේ අවිචාරවත් බව , කුහකත්වය සහ කම්මැලිකම නිසාය. පිනට කා  ලොරි ටෝක් දෙන කුහක මිනිසුන් නිසාය. උදාහරණක් ලෙස ජවිපෙ දූෂණයට එරෙහිව විශාල හඬක් නගයි. නමුත් පාඩු ලබන ශ්‍රී ලන්කන් , විදුලිබල මණ්ඩලය , ඛනිජතෙල් , රාජ්‍ය සේවය  ප්‍රතිව්‍යුහ ගත කරනවාට ඔවුන් අකමැතිය.

දියුණු රටවල මිනිසුන් අයවැයක් ගෙන එන විට  ආයෝජන වියදම් පිළිබදව විමසා බලයි. ලංකාවේ මිනිසුන් විමසන්නේ බඩු මිල අඩු කිරීම, පඩි වැඩිකිරීම වැනි දේ පමනි.  ලංකාවේ උන් බලන්නේ පිනට කෑම ගැන පමනි. උන් පිනට කන්නේ ගිණි පොලියට විදේශ රටවලින්ගත් ණය වලිනි . අපේ උන් පිනට කන විට, ණය පියවන්නේ කෙසේද (Pay back), ණය වල ආයෝජිත ප්‍රතිලාබය{ROI) වැනි සංචරක ගැන මීක් නැත . රට බංකොලොත් වීමට ඇත්ත හේතුව මේකය.

මහ බැංකු අධිපති  නන්දලාල් සහ ඊනියා ආර්ථික ඔස්තාර් හර්ෂ  ලංකාව බුන්වත් යයි ප්‍රකාශ කළේ ණය ගෙවා දැමීමට හැකියාව තිබියදීය. ලංකාව බංකොලොත් යයි ප්‍රකාශ කරන විට මේ වසරේ ගෙවිය යුතු ණය වලින් අඩක් පමන ගෙවා තිබුණි.

ජූලි මාසයේ ගෙවීමට තිබූ බිලියනය  ISB එකක් මගින් පියවීමට සැලසුම් කොට තිබුණි.චීන ණය පියවීමට ඔවුන් සමග එකග වූ වෙනම සැලසුමක් තිබුණි. අවසන් කාර්තුව වෙනවිට  IMF ණයක් ලබා ගැනීමට සැලසුම් කොට තිබුණි, සංචාරක කර්මාන්තය යලි ඇරඹීමට සැලසුම් කොට තිබුනි.අපනයන වර්ධනය කරගැනීමට සැලසුම් කොට තිබුණි.

එම සැලසුම් අවුල් වීමට හේතු 2ක් බල පෑවේය

•  ඊනියා අරගලය
•  හර්ෂ- නන්දලාල් කල්ලිය විසින් ලංකාව බංකොලොත් බව ප්‍රකාශ කිරීම

‘යුවාන් වැන්ග් 5 ’ නමැති චීන නෞකාව ශ්‍රී ලංකාවට පැමිණීමට නියමිතව තිබුණේ අගෝස්තු 11ය .

නැව පිලිගැනීමට මෙරට ආණ්ඩුව මූලිකව එකඟතාව පළකර තිබුණත් මේවන විට එම ගමන කල්දමන ලෙස චීනයට දැනුම් දී ඇත. ඒ ඉන්දියාවේ මැදිහත්වීම නිසාය.

ලංකාවේ ආණ්ඩුවේ ද්විත්ව ස්වභාවය ගැන චීනය බරපතල ලෙස ප්‍රතිචාර දක්වා ඇත

මධ්‍යම අධිවේගී මාර්ගයේ ඉදිකිරීම් සඳහා ලබාදීමට එකඟ වී තිබූ ඇමරිකානු ඩොලර් මිලියන 51ක ණය මුදල අත්හි‍ටුවා ඇත. ඒ හේතුවෙන් මෙරට පුරවැසියන් 2500 ක පමන ‍රැකියා අහිමි වී ඇත

චීනය ඇ.ඩො.බ් 1.5 ක ස්වොප් විණිමය පහසුකමක් ලබා දුන්නේය. එම ගණුදෙනුවට අදාල ගැලපුමක් ලෙස රු.බි 285 ක හිගයක් ඉල්ලිමට චීනයට හැකියාව ඇත.(බංගලාදේශ ස්වොප් පහසුකම සම්බන්ධයෙන් මෙම ගැලපීම සිදු කොට ඇත)චීනය එය ඉල්ලීමට සූදානමින් සිටියි.

ශ්‍රී ලංකාව මේවන විට IMF ණයක් ඉල්ලා ඇත. ණය අනුමත කිරීම සදහා කොන්දේසියක් ලෙස චීන ණය ප්‍රතිව්‍යුහගත කළ යුතු බව IMF දන්වා ඇත. යුවාන් වැන්ග් 5 සිදුවීම නිසා චීන ණය ප්‍රතිව්‍යුහගත කිරීම අවුල් වී ඇත

IMF කොන්දේසි වලට අනුගත නොවීම නිසා ලංකාව ලැබීමට නියමිත අනෙක් ආධාරද අහිමිවන තත්වයක් උද්ගතව ඇත .

ක‍ටුනායක ගුවන්තො‍ටුපලේ පර්යන්ත 2 ඉඳිකිරීම සදහා ජපන් ආධාර යටතේ ලබා දීමට නියමිතවූ ඇ.ඩො.මි 570 මුදල් අත්හි‍ටුවා ඇත.

ජයිකා ණය අහිමි වීමට ආසන්නතම හේතුව IMF ආයතනය විසින් ණය යලි ප්‍රතිව්‍යුහකරගත යුතු බවට පනවා ඇති කොන්දේසිය ඉ‍ටු නොවන බව පෙනී යාමය.

2022 මාර්තු මාසයේදී UNHRC 49 වැනි සැසිවාරය පැවැත් වුණි. එහිදී 46/1 යෝජනාව ගැන වාද විවාද කෙරුණි. 46/1 යනු යුද ගැටුම් පැවති සමයේ මානව හිමිකම් උල්ලංඝනයන් සිදු වීම සම්බන්ධයෙ‍න් සාක්ෂි එකතු කිරීමට UNHRC එකට බලය පවරන යෝජනා සම්මතයකි.

එම සැසිය සදහා ජි.එල්, සබ්‍රි ඇතුලු නියෝජිතයන් පිරිසක් සහභාගි විය. එහිදී ජී.එල් සාක්ෂි එකතු කිරීමට සම්පූර්ණයෙන් විරුද්ධත්වය පළ කළේය. එය එක්සත් ජාතීන්ගේ පදනමේ මූලයට එල්ල කරන පහරක් බව කීවේය. රජයට විශාල ජනවරමක් ඇතැයි ජි.එල් කීවේය.

දැන් එදා ජී.එල් කී කතා සියල්ල බොරු වී ඇත. කොටින් කියතොත් ජනතා කැ‍රැල්ලක් හමුවේ රටේ ජනපති රටින්ද පලා ගොස් ඇත.

ජී.එල්ගේ කතාවෙන් පසුව UNHRC කොමසාරිස්වරිද දීර්ඝ කතාවක් කළාය. මෙම අන්තර්ක්‍රියාකාරී සංවාදයට සහභාගිවූ රටවල් 45 න් 31 ක් ශ්‍රී ලංකාව වෙත සිය සහාය පළ කළහ.

ශ්‍රී ලංකාවට පක්ෂ වූයේ සෞදි අරාබිය, ඊජිප්තුව, පිලිපීනය, නේපාලය, කෙන්යාව, ඉතියෝපියාව, මාලදිවයින, චීනය, කියුබාව, ජපානය, සිරියානු අරාබි ජනරජය, වියට්නාමය, ප්‍රජාතාන්ත්‍රික මහජන උතුරු කොරියානු ජනරජය, වෙනිසියුලාව, නයිජීරියාව, පාකිස්ථානය, කාම්බෝජය, රුසියානු සමූහාණ්ඩුව, ලෙබනනය, උගන්ඩාව, බෙලරුසය, සිම්බාබ්වේ, එරිත්‍රියාව, දකුණු සුඩානය, ලාඕ මහජන ප්‍රජාතාන්ත්‍රික ජනරජය, යේමනය, ඉරානය, නයිජර්, කසකස්තානය, බංග්ලාදේශය සහ අසර්බයිජානයයි.

එනම් ජපානය හැර අන් සියළුම රටවල් චීන කඳවුරේ රටවල්ය.‘යුවාන් වැන්ග් 5 සිදුවීම නිසා චීනය අමනාප වුවහොත් චීන කඳවුරේ රටවල් ලංකාවට එරෙහි වනු ඇත.

ඉදිරි සැසිවාරයෙදී බ්‍රිතාන්‍යයේ අනුග්‍රහයෙන් “ශ්‍රී ලංකාවේ වගවීම පිළිබඳ ව්‍යාපෘතිය” නමින් යෝජනා සම්මතයක් ගෙන ඒමට නියමිතය. චීන කඳවුරේ සහාය අහිමි වුවහොත් ලංකාවට එරෙහි යෝජනාව ඉහලින්ම සම්මත වනු ඇත.

අනතුරුව UNHRC ව්‍යාපෘතියට ජාත්‍යන්තර අධිකරණ බලය ලබා ගැනීම සදහා එය එ.ජා ආරක්ෂක මණ්ඩලය වෙත ඉදිරිපත් කළ හැක . ලංකාව නිෂේධ බලය හිමි චීනය සහ රුසියාව සමග අමනාප වී සිටින පසුබිමක අදාල යෝජනාවට එ.ජා ආරක්ෂක මණ්ඩලයේ අනුමැතිය ලැබීම නිසැකවම සිදුවනු ඇත.

ගෝඨාභය පු‍ටුවෙන් එලවෙන තෙක් ලංකාවේ ආරක්ෂක අංශ එම කුමන්ත්‍රණය ගැන දැන සිටියේ නැත. දැන් ඊලගට සිදුවන්නේ ලංකවට එරෙහිව එ.ජා අධිකරණ බලය යෙදවීමේ කුමන්ත්‍රණයයි. අවාසනාවට ලංකාවේ බුද්ධි අංශ දෑස් වසාගෙන අත් පි‍ටුපසට කොට බැඳගෙන සිටින බව පෙනී යයි.ලංකාවේ බුද්ධි අංශ හුදෙක් නමට පමනක් ඇති ආයතන සමූහයකිලංකාවේ බුද්ධි අංශ හුදෙක් නමට පමනක් ඇති ආයතන සමූහයකි

‘යුවාන් වැන්ග් 5 නැව ආපසු හැරවීම එක්තරා ආකාරයකට China’s Belt and Road Initiative (BRI) ව්‍යපෘතියම ආපසු හැරවීමකි

චීන නැවට එරෙහි විරෝධය ට්‍රෝජන් අශ්වයෙකි. චීන නැව ලංකාවට බලහත්කාරයෙන් ඇතුළුවන විට මෙරට ස්වරීත්වය ගැන කතා කරන උන් වෙදුන් වෙස් ගත් මාර පුතුන් බව සිහිතබා ගත යුතුය.