ලංකාවේ විශාලතම නිමි ඇඳුම් ව්‍යාපාරය වන  ‘නෝලිමිට්’  UAE දක්වා සිය මෙහෙයුම් පුළුල් කොට ඇත. ඊයේ එනම් 17 සැප් 2022 දින සිය ප්‍රථම UAE ප්‍රදර්ශනානාගාරය Al Ghurair ශොපින් මෝල්හි  විවෘත කළේය.

මැද පෙරදිග  නිමි ඇඳුම් වෙළද පොලින්  60 % පමන  ඉන්දීය ව්‍යාපාරිකයන්  විසින් අත්පත් කොටගෙන ඇත. එවන් තත්වයක් තුල ශ්‍රී ලාංකික ව්‍යවසායකයෙකු  UAE වල ව්‍යාපාර කටයුතු ආරම්භ කිරීම ශ්‍රී ලාකික අපට අඩම්බර විය හැකි කරුනකි.

නෝලිමිට්  විජයග්‍රහණයට ලංකාවෙන්  නිසි පිළිගැනීමක් ලැබුනේ නැත.නිසැකවම ඒ ඔවුන් මුස්ලිම් නිසාය. රාජපක්ෂලා බලයට පත්වුදා පටන් දෙමල ,මුස්ලිම් ජනයා බිල්ලෙකු ලෙස පෙන්වූයේය. දෙමල මුස්ලිම් ජනයාට එරෙහිව සිංහලයා කෙටවූයේය . රාජපක්ෂලා   සිංහලයාගේ  ගැලවුම් කරු ලෙස කූට රංගනයක නියලෙමින් දේශපාලන ගේම් එකක් ගැසුවේය

සිංහල අවුරුද්ද ලග එන විට කුමන්ත්‍රණකාරී ලෙස  මුස්ලිම් ව්‍යාපාර වර්ජනය කරන ‍රැල්ලක් ඇති කළේය. නෝ ලිමිට් ප්‍රදර්ශනාගාර ගිණි බත් කළේය. නෝ ලිම්ට් වෙත යන අයට කුණු බිත්තර ගහන ‍රැල්ලක් ඇති කලේය. මේ සියළු කුමන්ත්‍රණ මෙහෙය වූයේ රාජපක්ෂලා විසිනි. අද ඔවුන් රටද බංකොලොත් කොට ඔවුන්ද දේශපාලන වශයෙන් බංකොලොත් වී ඇත.

නෝ ලිමිට් සිය ව්‍යාපාර ආරම්භ කළ  Al Ghurair ශොපින් මෝල් එක තුල   Aeropostale, Brevery hills polo club, cat, Giordano, koton , max , Splash , forever 21, OVS , R&B , Marks & Spencer  වැනි ලොව සුපතල වෙළද සැල් පිහිටා ඇත .අනාගතයේදී ලංකාවේ  ‘නෝ ලිමිට්’ ජාත්‍යන්තර සන්නාම සමග කරට කර සටන් කරනු ඇත. සැබැවින්ම ‘නෝ ලිමිට් ලංකාවට’ ආඩම්බරයකි,අභිමානයකි.

නෙළුම් කුළුන මහජනයාට විවෘත කිරීම රාජපක්ෂලාගේ තවත් එක ගෝනි සෙල්ලමක් බව අපට තොරතුරු දෙන රාජපක්ෂ පවුලේ අයෙක් හෙළිදරව් කළේය.

නෙළුම් කුළුන සන්නිවේදන ව්‍යාපෘතියකි. මෙහි TV චැනල් 50ක්, ගුවන් විදුලි තරංග 35ක්, විදුලි සංදේශ 20ක් සඳහා පහසුකම් ඇත.  මේ දක්වා කිසිදු ආයෝජකයෙකු සන්නිවේදන ව්‍යාපෘති වල ආයෝජන කොට නැත.

සූවස් ඇල කැපුවේ නැව් ගමනාගමනයටය , කවුරු හෝ  එහි මාළු බෑම ප්‍රමෝට් කරන්නේ නම්  එය විහිළුවකි ,තවත් අතෙකින් අපරාධයකි. නෙළුම් කුළුන සන්නිවේදන ව්‍යාපෘතියකි.  සන්නිවේදන ව්‍යාපෘති පසෙක තබා එහි  උත්සවශාලා, නැරඹුම් මැදිරි ප්‍රමෝට් කිරීම අපරාධයකි. එය සූවස් ඇලේ මාළු බෑම ප්‍රමෝට් කරනවා වැනි වැඩකි.

නෙළුම් කුළුන සදහා ලබා ගත් ණය කන්ද ඇ.ඩො. මිලියන 113කි. නෙළුම් කුලුන බැසිල්ගේ ප්‍රොජෙක්ට් එකකි. නෙළුම කුළුන ව්‍යාපෘතියෙන් බැසිල් සොරකම් කර හැටි හිටපු ජනාධිපති සිරිසේන සාක්ෂි සහිතව හෙළිදරව් කොට ඇත .

නෙලුම් කුළුන ව්‍යාපෘතිය සම්බන්ධීකරණය කළේ මේජර් ජනරාල් ප්‍රසාද් සමරසිංහය. මොහු හිටපු හමුදා මාධ්‍ය ප්‍රකාශකයෙකි. අද නෙළුම් කුළුනේ ප්‍රධානියා මොහුය.  නෙළුම් කුළුන මහජනයාට විවෘත කරන  Paid  කැම්පේන් එක සම්බන්ධීකරණය කළේ මොහුය .

නෙළුම් කුළුන නාට්‍යයේ මහ මොළකරුවන් වන්නේ  නාමල්, චිචී  සහ වියපත් සහොදරයන් පිරිසය.  නෙළුම් කුළුන තුසිත දෙව් ලොව වගේ කියූ භික්ෂුව රාජපක්ෂ නිකායේ  සිවුරුකාරයෙක් බව මේ වන විට හෙළි වී ඇත. නෙළුම් කුලුනට ප්‍රශස්ති ගැයූ පුද්ගලයන් චිචී විසින් පුහුණු කළ අය බව මේ වන විට හෙළි වී ඇත.

මෙම තොරතුරු අපට ලබා දුන් රාජපක්ෂවරයා කී පරිදි   දැන් පෙන්වන නෙළුම් කුළුන ජවනිකා එක්තරා ආකාරයක කඳුළු කතාවකි.මහින්ද මේ වන විට ශාරීරිකව හා මානසිකව රෝගී වී සිටියි. ඔහුගේ මානසික තත්වය අතිශ්‍ය දුර්වල වී ඇත. පවුලේ අය සහ  නිළධාරීන් සිදු කළ සොරකම් නිසා තමන් විනාශ වූ බව මහින්ද විශ්වාස කරයි. චමල් , බැසිල්, ගෝඨා, ශවේන්ද්‍ර මේ ආකාරයට නම් ලැයිස්තුවක් කියමින් මහින්ද, ඔවුන්ට දෝශාරෝපනය කරමින් සිටියි.

මහින්දට අනුව නෙළුම් කුළුනෙන් සොරකම් කොට ඇත්තේ බැසිල් සහ නිලධාරීන් කිහිප දෙනෙකි. මේ වන විට නෙළුම් කුළුන මහින්දගේ ලේ කෝප කරන ප්‍රභලතම දසුන වී ඇත . මෙම තත්වය මහින්දගේ සෞඛයට අහිතකර බව වෛද්‍යවරු අවධාරණය කොට ඇත.

ඒ අනුව  නෙළුම් කුළුන සහ රාජපක්ෂලා පිලිබදව මහජනයා සතු‍ටු වන බව පෙන්වීමට පවුලේ අය  උපායක් යොදා ඇත. නෙළුම් කුළුන මහජනයාට විවෘත කරන නාට්‍ය  නිෂ්පාදනය කළේ ඒ අනුවය.දු‍ටු ගැමුණු මරණ මංචකයේ සිටියදී ඔහුට අඩක් නිමවූ  රුවන්වැලි සෑයේ සුදු රෙදි ඔතා, ජනයා ඊට වන්දනා මාන කරන අන්දම  පෙන්වූ බව වංශ කතාවල ඇත. නෙළුම් කුළුන නාට්‍ය ගුණයෙන් ඊට වෙනස් වුවද රසයෙන් ඊට සමාන එකකි

පලාත් පාලන මැතිවරණය එළඹෙන මාර්තු මාසයේදී පැවැත්වීමට මැතිවරණ කොමිසම සුදානමින් සිටියි.මෙම හේතුව නිසා පවතින දේශපාලන වාතාවරණය ගැන දේශපාලන පක්ෂ සහ බුද්ධි අංශ සමීක්ෂණ කිහිපයක් සිදු කොට ඇත .රටේ පවතින වාතාවරණය ගැන විශේෂ වාර්තාවක් ජනාධිපති රනිල් වෙතද යවා ඇත . පහත දැක්වෙන්නේ එවැනි වාර්තාවකින් උපුටා ගත් කරුණු සමූහයකි.

1. මැතිවරණය සූදානම අතින් සජිත් ප්‍රේමදාස සහ අනුර කුමාර ඉදිරියෙන්ම සිටියි, ජවිපෙ සහ සජබ බිම් මට්ටම ආවරණය කරන දීපව්‍යාප්ත ප්‍රචාරණ ව්‍යාපෘතියක් දැනටමත් ආරම්භ කොට ඇත.

2. මැයි 9 ගැ‍ටුම් වලදී ගම් මට්ටමේ පොහොට්‍ටු දේශපාලකයන් 542 කගේ දේපල හානි වී ඇත. ඔවුන් කිසිවෙකුට මේ දක්වා වන්දි ලැබී නැත. මේ හේතුව නිසා බිම් මට්ටමේ පොහොට්‍ටු ක්‍රියාකාරීන් රාජපක්ෂලා කෙරේ කලකිරී සිටියි

3. මැයි 9 අරලියගහ මැදුරට පැමිණි බස් 42 ක් ගිණිබත් කොට ඇත. ඒවාටද සතයක් වත් වන්දි ලැබී නැත. මේ හේතුව නිසා එම බස් ‍රැගෙන ආ ගමේ පොහොට්‍ටු දේශපාලකයන් අසරණ වී සිටියි

4. මාර්තු 31 සිට මැයි 15 දක්වා සිදුවූ දේපොළ හා ජීවිත හානි විමර්ශනය කිරීමට හිටපු ජනාධිපති පත්කළ කොමිසම වින්දිතයන්ටම පාරාවලල්ලක් වූ අවනඩුවක් බවට පත්ව ඇත .ඊට හේතුව කොමිසම තමන්ගේ එකක් යයිසිතු ඇතැම් දේශපාලකයන් කෝටි 50-100 අතර වන්දි ඉල්ලූහ. නමුත් රනිල්ගේ පැමිනීම සමග තත්වය වෙනස් විය පොහොට්‍ටු දේශපාලකයන් ලබා දුන් තක්සේරු වාර්තා අයතා ඉපයීම් පිළිබද නඩු නිමිති බවට පත්ව ඇත.

5. ගමේ පොහොට්‍ටු දේශපාලකයන්ට වන්දි නොලැබුනද ජාතික මට්ටමේ දේශපාලකයන් විවිධ ක්‍රම ඔස්සේ හානිපූරනය සිදුකරගෙන ඇත.මේ හේතුව නිසා පොහොට්‍ටු බිම් මට්ටම දෙදරා ගොස් ඇත.

6. එජාපයේ සහ ශ්‍රී.ල.නි.ප ප්‍රතිසංවිධාන කටයුතු මේ දක්වා ආරම්භ වී නොමැත.පක්ෂ මූලස්ථානයේ පවතින ගැ‍ටුම් මීට හේතු වී ඇත.

7. පොහොට්‍ටුවෙන් ස්වාධින වූ දේශපාලනඥයන්ද මේ දක්වා බිම් මට්ටම කරා ගොස් නැත.

බිම් මට්ටම දෙදරා යාම ගැන පොහොට්‍ටු මන්ත්‍රීවරයකුගෙන් අප විමසිමක් කළෙමු. මැය 9 දේපල හානි සම්බන්ධව තමන්ට හෝ කිසිදු මන්ත්‍රීවරයෙකුට මේ දක්වා සතයකවත් වන්දියක් ලැබී නැති ඔහු කීවේය . නමුත් රජය විසින් වන්දි ගෙවූ බවට පුවතක් ශූක්ෂමව ජනගත කොට ඇති බව ඔහු කීවේය .

මෙය බරපතල කුමන්ත්‍රණයක් බව ඔහු කීවේය. මෙම කුමන්ත්‍රණය පි‍ටුපස බුද්ධි අංශ සහ රජයේ නිළධාරීන් පිරිසක් සිටිය හැකි බව ඔහු කීවේය.මේ වන විට ශවේන්ද්‍ර , කමල් ගුණරත්න ඇතුලු ඉහළ නිළධාරීන් බොහොමයක් රනිල්ගේ කීකරු ගෝලයන් වී ඇති බව ඔහු කීවේය . දෙරණ හිරු ඇතුළු මාධ්‍ය ආයතනද රනිල්ට පක්ෂ වී ඇති බව කීවේය .

එදා පොහොට්ටූව ආරක්ෂා කළ ඔවුන් අද පොහොට්‍ටුවට එරෙහිවී වී ඇති බව ඔහු කීවේය මේ හේතුව නිසා මහජනතාව සහ ප්‍රාදේශීය දේශපාලකයන් හමුවේ දැඩි අපහසුතාවයට පත්ව ඇති බව ඔහු කීවේය. තමන් උපන් ගෙදර අනාථභාවයට පත්ව ඇති බව ඔහු වැඩි දුරටත් කීවේය .

පවතින දේශපාලනය , ආර්ථිකය සහ එජාපයේ ප්‍රතිසංවිධාන පිළිබදව කොළඹ දිස්ත්‍රික්කයේ එජාප ප්‍රභලයෙකුගෙන්ද අප විමසීමක් කළෙමු. ආර්ථිකය ගොඩගැනීමට හැකි නමුත් ඊට සැත්කමක් කළ යුතු බව ඔහු කීවේය. එය එක් අවයවයක් ඉවත් කොට ජීවිතයක් බේරා ගැනීමක් බදු සැත්කමක් බව ඔහු කීවේය

මේ වනවිට ප්‍රධාන දක්ෂිනාශික කන්ඩායම් එකතු වී ඇති නිසා එය අපහසු නොවන බව ඔහු කීවේය.මැතිවරණයට පෙර පොහො‍ටුවේ , ශ්‍රී.ල.නි.ප සහ සජබ පිරිසක් එජාපය සමග එකතුවීමට නියමිත බව ඔහු කීවේය. ඒ අනුව එජාපය ලාංකික දේශපාලනයේ නව පි‍ටුවක් පෙරලීමට නියමිත බව ඔහු කීවේය.