ලංකාව බංකොලොත් වූයෙ ඇයි? බෝහෝදෙනෙක් මීට හේතු ලෙස දක්වන්නෙ පහත කරුණුය.

1. රාජපක්ෂලාගේ සොරකම්
2. චීණ ණය උගුලට අසුවීම
3. 225හේ  නොසන්ඩාලකම්
4. මහ බැංකු බැඳුම්කරය
5. නෙළුම් කුළුන,මත්තල,හම්බන්තොට වරාය වැනි අසාර්ථක ව්‍යාපෘති

ලංකාව බංකොලොත් වූයේ ඉහත කිසිවක් නිසා නොවේ. ලංකාව බංකොලොත් වූයේ සිස්ටම් එක අවුල් නිසාය. නමුත් ලංකාවේ ජනමධ්‍ය ගොරකා දඩ මස් කළේය. රටේ අසාර්ථකත්වයට හේතුව දේශපාලනඥයන් බව ඔවුන් කීහ.

රට බංකොලොත් වීමට සැබෑ හේතුව පේලි 4 කින් ලිවිය හැක.  

1. රජයේ ආදායම මෙන් තෙගුණයක්  වියදම් කිරීම
2. ලැබෙන ඩොලර්  ප්‍රමාණය මෙන් දෙගුණයක්  වියදම් කිරීම
3. නිෂ්පාදන ආර්ථිකයක් වෙනුවට සුභසාදන ආර්ථිකයක් පවත්වාගෙන යාම
4. සංවරණ සහ තුලිත පාලනය වෙනුවට එක් බල කනුවක් අනෙකට මුක්කු ගැසීම

දියුණු රටවල මිනිසුන් අයවැයක් ගෙන එන විට  රජයේ වියදම් වල ඵලදායීතාව විමසා බලයි. ලංකාවේ මිනිසුන් විමසන්නේ බඩු මිල අඩු කිරීම, පඩි වැඩිකිරීම වැනි දේ පමනි. මැතිවරණයකදී  තත්වය මීට නොදෙවෙනිය. ලංකාවේ උන් බලන්නේ පිනට කෑම ගැන පමනි. උන් පිනට කෑවේ ගිණි පොලියට විදේශ රටවලින්ගත් ණය වලිනි.අපේ උන් ගිණි පොලියට ගත් ණය වලින් එදා වේල වළදන විට ණය පියවන්නේ කෙසේද (Pay back), ණය වල ආයෝජිත ප්‍රතිලාබය{ROI) චේතනාන්විතව නොසලා හැරියේය. රට බංකොලොත් වීමට ඇත්ත හේතුව මේකය. නමුත් මේ ඇත්ත ගැන ලංකාවේ ජනමාධ්‍ය කතා කළේ නැත.

විධායකය,ව්‍යවස්ථාදායකය,අධිකරණය සහ ජනමාධ්‍ය ලෙස රාජ්‍යක බල කණු 4 කි. ලංකාවේ  මාධ්‍ය අනුන්ගේ ඇසේ  පොල් කෙන්ද මෙන්ම තමන්ගේ ඇසේ වූ පොල් පරාලය නිරීක්ෂණය නොකල ලහු‍ටු ලාමක බල කනුවකි .එපමනක් නොව  තම ආයතනයට ලැබෙන ඇඩ් වලට, වරදාන වලට ගිජුවී ඇත්ත වෙනුවට නැත්ත ජනගත කළේය. ජනමාධ්‍ය පාර්ලීමේන්තුවේ 225ට වඩා අසාර්ථකය. 225ට වඩා ජනමාධ්‍යවේදීන් දූෂිතය.

රට ගොඩ නැගීමට නම්, සිංහ වෙස් ගත් සිඟාලයන් මෙන්ම  බැටළු හම් පොරවාගෙන සිටින වෘර්කයන්ද  නිරුවත් කළ යුතුය. බොහෝ දෙනෙකු සිතා සිටින්නේ ‘චෞර ‍රැජින’ පොත සද්භාවයෙන් ලියූ කෘතියක් ලෙසිනි. නමුත් එය මුදල් කොන්ත්‍රාත්තුවකි. චෞර ‍රැජින යනු  අයිවන් , බැසිල්, කූමාර් රූපසිංහ සහ කීර්ති රත්නායක යන අය දියත් කළ දේශපාලන කුමන්ත්‍රණයක් බව සන්ඩේ ලීඩර් හෙළිදරව් කොට ඇත. පහත දිගුව කියවන්න.

https://web.archive.org/web/20200117184028/http://www.thesundayleader.lk/archive/20070304/issues.htm

මෙම හෙලිදරවෙන් පසුව  සන්ඩේලීඩර්ට  නඩු දමන බව පවසමින් වික්ට්ර් අයිවන් මහා ගෝරනාඩුවක් දැම්මේය.හැකි නම් නඩු දමන ලෙස සන්ඩෙලීඩර් කතෘ අයිවන්ට අභියෝග කළේය.සන්ඩෙලීඩර් කී කතාව ඇත්ත නිසා අයිවන් පසු බැස්සේය . පහත දිගුව කියවන්න.

http://archives.sundayobserver.lk/2007/04/29/new21.asp

 ලංකාවට කප්පම් මාධ්‍ය කලාව හදුන්වා දුන්නේ වික්ටර් අයිවන්ය. උවිදු, ජනරංජන, රේඛා නිලුක්ෂි, සුනිල් ජයසේකර,ගාමිනි වියන්ගොඩ ඇතුළු ජනමාධ්‍යවේදින් ගනනාවක් අයිවන් දූෂිතයෙකු බව ලියා ඇත. නමුත්  ආයතන මට්ටමින් ලංකාවේ මාධ්‍ය ආයතන අයිවන් විවේචනය  නොකළේය. ඒ නිසා බැසිල්ට සිදුවූ හානිය  අයිවන්ට සිදු නොවුණි. චෞර ‍රැජින පොත, චන්ද්‍රිකා (විධායකය) ගැන කළ හෙළිදරව්වක් නොව මහින්ද (විධායකය)  සමග ගැසූ ගේම් එකකි.

පසුගියදා චමුදිත සමග සංවාදයේදී හිටපු ගුවන් හමුදාපති වීරක්කොඩිගේ රිය අනතුර වික්ටර් අයිවන් විසින් සැඟවූ බව  මා කීවේය. ඉන් කලබල වූ අයිවන් මට එරෙහිව මාගලක් මෙන් දිග උත්තරයක් ලීවේය. අනතුර සිදුවූ දින පාන්දර 4 පමන රිය අනතුර ගැන අයිවන්ට දැන්වූයේ මෙම ලියුම්කරුය.නමුත් සතියක් යන තුරු අයිවන් ඒ ගැන නොලීවේය.අයිවන් ඒ ගැන ලීවේ මා ලසන්ත වික්‍රමතුංග ලගට ගිය විටය. ලසන්ත මා ඉදිරිපිටම අයිවන්ට දුරකථන ඇමතුමක් ගෙන පාන්දර 4 ට මා දුන් ඇමතුම ගැන විමසා සිටියේය.එය අයිවන්ට එල්ල කල කන හරහා පහරක් විය

චන්ද්‍රිකාගේ අනුදැනුමෙන් සිදුවූ තවක්කාල්,චැනල් 9 වැනි මගඩි හෙළිදරව්  වූයේ ව්‍යවස්ථාදායකය  ඊට එරෙහි වූ නිසාය. චන්ද්‍රිකාට එරෙහි   ප්‍රවෘත්ති වලින්  50%  රාජිත සේනාරත්න ලබා දුන් ඒවා බව එකල CID වාර්තාවක විය. රටකට අවශ්‍ය වන්නේ එක් බලකනුවක වැරදි අනෙකා විසින් හෙළි දරව් කරන ක්‍රමයකි. නමුත් ලංකාවේ මාධ්‍යකරුවන්  බැටලුහම් පොරවාගත් වෘර්කයින්ය. මාධ්‍ය අයිකොන් එකක් වන, වික්ටර් අයිවන් විධායකය යන නැවට මුලින්ම ගොඩ වී හැකි පමන වරදාන වරප්‍රසාද ලබා , නැව ගිලෙන විට මුලින්ම බැස යන මීයෙකි.

රාජපක්ෂ නැවෙන් බැසගිය අයිවන් දැන් රනිල්ගේ නැවට ගොඩ වීමට කුරුමානම් අල්ලමින් සිටියි .අයිවන් ලබා දෙන නරක ආදර්ශය විධායකයට  මුක්කු ගැසීමට  ලංකාවේ අනෙක්  මාධ්‍ය හිමියන්ටද  පෙළඹවීමක් ඇති කළේය. එම නරක ආදර්ශය,මාධ්‍ය ක්ෂේත්‍රයේ පරිහානියට මුල් විය. වික්ටර් අයිවන් වීරයෙක්  නොව මාධ්‍ය  විනාශ කළ ගහලයෙකි.  මාධ්‍ය බලකණුව දුර්වලවීම ලංකාවේ පරිහානියට  ප්‍රභල ලෙස බල පෑවේය.

ඊයේ National Alert සංවිධානය අරලිය ගහ මැදුර, ජනාධිපති මංදිරය සහ ජනපති ලේකම් කාර්යාලයේ නිරීක්ෂනයක් කළා.මෙම ගොඩනැගිලි තුනට මේ වන විට කෝටි 35 කට ආසන්න අලාභයක් සිදුව ඇති බව නිරීක්ෂණය විය.අරගල කරුවන් තවමත් මෙම ගොඩනැගිළි තුනේ ‍රැදී සිටින නිසා සමස්ත අළාභය මීට බොහෝ වැඩි වනු ඇත. කැ‍රැල්ල නිසා  ආර්ථික දේහයට සිදුවූ පාඩුව වෙනම කතාවකි.

අප අද කතා කරන්නේ ලංකාවේ ආර්ථික දේහයට සිදුවූ පාඩුව ගැන නොවේ . ලංකාවේ  ආර්ථිකයට සිදුවූ හානියට  වඩා වැඩි ඛේදවාචකයක්  අභියෙසට රට පැමින ඇත. එවැනි ඛේදවාචකයක් අභියෙසට රට පැමිණීමට බලපෑ  ප්‍රධාන කරුනු 2 කි.

• සජිත්, චම්පික, අනුර, වැනි ප්‍රජාතන්ත්‍රවාදීන් අයාලේ ගිය කැ‍රැල්ලට සෘජුව දායක වීම
• නීතියේ  පාලනයේ මුර දේවතාවුන්  වන නීතීඥ සංගමය අවිචාරවත් ලෙස කැ‍රැල්ලට  දායක වීම

රටක් ආර්ථිකමය වශයෙන් හෝ සමාජීය වශයෙන් අරාජික වී ඇති විට  කැරලිකරුවන් නිර්මාණය කිරීම ඉතා පහසු වැඩකි.අනුර, සජිත් , චම්පික සාලිය පීරිස් සිදුකළේ එම පහසු කටයුත්තයි. මොවුන් සියල්ලෝ තමන්ගේ බලය  මිස රට ගැන සිතුවේ නැත.

කැරලිකරුවන් රටක පාලන බලය අත්පත්කරගත් පසු සාම්ප්‍රදායික දේශපාලකයන්ට තත්වය පාලනය කිරීම දුෂ්කරය.  පකිස්ථානයේ, සුඩානයේ , යේමනයේ සහ අරාබී වසන්තයේදී මෙවැනි   තත්වයන් ඇති විය.අද ලංකාවේ එවැනි තත්වයක් ඇති වී ඇත.

ලංකාවේ තත්වය කෙටියෙන් මෙසේය . රැඩිකල් කල්ලියක් ප්‍රජාත්‍රන්ත්‍රවාදී නොවන ක්‍රමවේදයක් මගින් රාජ්‍ය පෙරලා දමා ඇත.එම රැඩිකල් කල්ලිය  සාම්ප්‍රදායික දේශපාලන පක්ෂ  සමග ගණුදෙණු කිරීමට සූදනම් නැත.විප්ලවකාරී  පක්ෂයක් ලෙස පෙනී සිටින  ජවිපෙ සමග වත් ගණුදෙනු කිරීමට  ඔවුන් සූදානම් නැත.  කැරලිකරුවන්ගේ  ගෝඩ් ෆාදර්ලා කවුද?

• චීන ඔත්තු සේවාව
• ත්‍රස්ත ජනමාධ්‍ය
• බ්‍රැන්ඩික්ස්, මාස්, නෝ ලිමිට්, ෆැෂන් බග්, හමීඩියා ඇතුළුව්‍යාපාරික ජාලය.

ත්‍රස්ත ජනමාධ්‍ය ලංකාවේ දේශපාලනයට අයුතු බලපෑම් කළේ අද ඊයේ නොවේ. ඩොලර් අර්බුධය නිසා පුරවැසියන් තුල ජනිත වූ කෝපය  ඉහත පාර්ශව විසින් කැ‍රැල්ලක් දක්වා වර්ධනය කළේය. එය ප්ලාන්ටඩ් කැම්පේන් එකකි.

මින් ඉදිරියට අරගලයේ ගෝඩ් ෆාදර්ලා සමග ගණුදෙනු කිරීමේදී ඔවුන්ට විශාල මිලක්   සිදු වනු ඇත. අරගලයට අත් උදව් දුන් සජිත්ට සහ අනුරට වුවද මෙම කොන්දේසිය අදාලය. අරගලයට සහයෝගය නොදුන් දේශපාලන පක්ෂ වලටද මෙය අදාලය. එවැනි  තත්වයකින් ඇතිවීම රටට අයෝග්‍යය

ගෝඨාභය තක්කඩියෙකි. සොරෙකි. ඔහු කෙතරම් අධමයෙකුදයත්, ගෝඨා විසින්  මෙම ලියුමකරු කිසිදු හේතුවක් නොමැතිව මාස 6කට වැඩි කාලයක් සිරගත කළේය. නමුත් ප්‍රජාතාන්ත්‍රික නොවන ක්‍රමවේද මගින් ගෝඨා එලවිමට මෙම ලියුම් කරු කිසිදු දායකත්වයක් ලබා දුන්නේ නැත..එවැනි ක්‍රමවේදයකදී  රටට සිදුවන විනාශය ගැන ලියුම්කරුට පැහැදිලි අවබෝධයක් තිබීම ඊට හේතු විය.

අරගලය නොහොත් ප්ලාන්ට්ඩ් කැම්පේන් දුමාරයෙන්  ඇස් බොඳව තිබියදී රට සහ ජනතාව කබලෙන් ලිපට වැ‍ටුන හැටි  මේසේය

1. අරගලයේ පලමු පියවර මැයි 9  වූ අතර එහි බලපෑමෙන් ආණ්ඩුව දෙදරා ගියේය . අප්‍රියෙල් 12 පාර්ලීමේන්තුවටද හොරෙන් ලංකාව් බුන්වත් රටක් යයි ප්‍රකාශ විය.

2. බුන්වත් ලංකාවට ලෝකයේ කිසිදු රටකින් ණයක් ගත නොහැකි විය .ලංකාවේ බැංකු පද්දතිය ගැන විශ්වාසය බිද වැ‍ටුණි භාන්ඩ ආනයනය  සදහා  එල්.සී ලබා ගැනීම දුෂ්කර විය.තෙල්, ගෑස්,  හිගය තවත් බරපතල විය.ජන දුක වැඩිවිය
3. ඩොලර්  ණයක් ගෙන , විදේශ ණය පියවීමට තිබූ අවස්ථාව අහිමි විය ( පසුගිය දශක තුන පුරාවට සිදුකලා සේ)

‘ගෝ ගෝඨා අරගලය’  නිදහස් අරගලයක් නොව අරාබී වසංන්තයේ කාබන් කොපියකි.ලංකාව යනු ධම්මික පැණි බීමට කි.මී 5 දිග පෝලිමේ ගැසූ  රටකි. කුවේට් කුමාරිගේ සින්දු මිලියන් 2ක් හිට් කළ ජාතියකි. ලංකාව යනු බුද්ධියෙන් වැඩ කරන රටක් නොව ‍රැල්ලට හුරේ දමන රටකි

අරගලය නිසා රට දිනෙන් දින යන්නෙ වල පල්ලටය . ජිවිත වලට දේපල වලට ආරක්ෂාවක් නැත.අප මහජන මුදලින් පඩි ගෙවා ලක්ෂ 3ක හමුදාවක් නඩත්තු කළේ කුමටද යන ප්‍රශ්නය දැන් අප හමුවේ ඇත

මේ වන විට ලංකාව බංකොලොත් රටකි . රුපියලට සාපේක්ෂව  ඩොලරය ඉහල යාම නිසා ණය අර්බුදය තවත් බරපතල වී ඇත.

විදේශ විනිමය වලින් වාණිජ ණය ගැනීම මාරාන්තිකය. මක්නිසාදයත් ඒවා විදේශ විනිමයෙන්ම ආපසු ගෙවීමට සිදු වේ.

රුපියලට සාපේක්ෂව ඇමරිකානු ඩොලරයේ වටිනාකම වැඩිවන විට, ඊට අනුලෝමව ණය බර වැඩි වෙයි.

මහා පරිමාණයෙන් විදෙස් විනිමය වානිජ ණය ගැනීම මර උගුලක් වන්නේ මේ නිසාය.

2014 අවසානයේදී රුපියල් 131 ක් වූ ඇමරිකානු ඩොලරය UNP ආණ්ඩුව යටතේ රුපියල් 183 දක්වා වැඩිවී වැඩි විය.

2015 ජනවාරියේදී UNP ආණ්ඩුව බලයට පැමිණෙන අවස්ථාවේදී රුපියල් ට්‍රිලියන 7.39 ක් වූ ලංකාවේ මුලු ණය බර, 2019 අවසානය වන විට රුපියල් ට්‍රිලියන 12 දක්වා ඉහල ගියේය.

 UNP ආණ්ඩුව යටතේ ඩොලරය ඉහල යාම නිසා, 28 % කින් විදෙස් ණය වැඩි විය.

ගෝටාභය ආන්ඩුව බාරගන්නා විට ඩොලරය 183 ක් වූ අතර දැන් එය 364කි. ගෝටාභය ආයසයෙන් පාලනය කළ ඩොලරය, හදිසියේ පාලනයෙන්  නිදහස්  කළේය . ඒ අනුව ඩොලරය එක් ‍රැයකින් රු 364 දක්වා ඉහල ගියේය. ගෝඨාගේ ආණ්ඩුව යටතේ රුපියලේ වටිනාකම බිඳවැටීම හේතුවෙන්,  49 % කින් විදෙස් ණය වැඩි විය