1, පූජ්‍ය රාජාංගනයේ සද්ධාරතන හිමිට එරෙහි නඩුවක් අද කොටුව මහේස්ත්‍රාත් අධිකරණයේදී විභාග කෙරිණි. මීට පෙර උන්වහන්සේ රාමඤ්ඤ නිකායෙන් ඉවත් කොට තිබුණි. එය කලේ ඕමල්පේ සෝභිත ඇතුළු භික්ෂූන් පිරිසකි.සද්ධාරතන හිමි යළි රක්ෂිත බන්ධනාගාර කරන ලෙස සෝභිත හිමිගේ පාර්ශ්වය ඉල්ලීමක් කළද අධිකරණය එය පිළිගත්තේ නැත. අදහස් ප්‍රකාශ කරන විට අසභ්‍ය වචන පාවිච්චි කිරීමෙන් වළකින්නයි අවවාද කළ අධිකරණය සද්ධාරතන හිමි මුදා හැරියේය.

2. වෙළදපොළ තුළ සහල් වර්ගවල හිගයක් දක්නට ලැබෙන බැවින්, නැවත වරක් සහල් ආනයනය කිරීමට රජය පියවර ගෙන ඇත . මේ සදහා වන නිර්දේශය රජයට ඉදිරිපත් කර තිබෙන්නේ ආහාර ප්‍රතිපත්ති සහ සුරක්ෂිතතා කමිටුව මගිනි.

3.බ්‍රිතාන්‍යයේ චැනල් 4 නාලිකාව සමග ආන්දෝලනාත්මක වැඩසටහනකට එක් වූ අසාද් මවුලානා අප්‍රේල් 21ට පෙර ලංකාවට පැමිණීමට නියමිත බව මාධ්‍ය ආයතන කිහිපයක් වාර්තා කොට ඇත.

4. එස්.එම්. රන්ජිත් සහ ඔහුගේ පෞද්ගලික ලේකම්වරියට බරපතල වැඩ සහිතව 16 වසරක සිරදඩුවම් නියම වේ. අධිකරණ තීන්දුවට පාදක වූ කරුණු සම්බන්ධයෙන් දිලිත් ජයවීර විවේචනයක් කොට ඇත.

5. පාතාල ක්‍රියාකාරකම් මර්දනයට අදාළ වගකීම ලැබුණහොත් තමන් වැඩේට බහින බව ෆීල්ඩ් මාෂල් සරත් ෆොන්සේකා මහතා අවධාරණය කරයි. සරත් පොන්සේකා මේ දිනවල මාලිමා රජයට පක්ෂපාති ස්ථාවරයක සිටියි.

6. මාර්තු 28 වනදා නීතිඥවරියක් විසින් පුත්තලම මහාධිකරණයට අපහාස කළා යයි සිදුවීමක් වාර්තා විය. එහිදී වින්දිත පාර්ශවය වෙනුවෙන් ශ්‍රී ලංකා නීතිඥ සංගමය පෙනි සිටියේය. අධිකරණයට අපහාස කිරීමේ නීතිය නියාමනය කළ යුතුව ඇති බව නීතිඥ සංගමය ප්‍රකාශ කරයි.

7. වාහන ආනයනය සම්බන්ධ රාජ්‍ය අමාත්‍යංශ වල වැරදි කළමනාකරණය පිළිබඳ වාහන ආනයනකරුවන්ගේ සංගමය බරපතළ කණස්සල්ල පළකර තිබේ. වගකිව අමාත්‍යවරු ආනයනකරුවන්ට බලපාන ප්‍රධාන ගැටලු විසඳීමට අපොහොසත් වී ඇති බව ද එම සංගමය පවසයි.

8. අලිමංකඩ තමන් ආරම්භ කළ මේස ලුනු කර්මාන්තශාලාව විමල් වීරවංශ ආරම්භ කළේ යැයි අසත්‍ය ප්‍රචාරයක් ගෙන යමින් ඇතැයි අමාත්‍ය සුනිල් හඳුන්නෙත්ති පවසයි. දේශපාලන අනාථයකු බවට පත්ව සිටින විමල් වීරවංශ වෛරයෙන් ද්වේෂයෙන් අසත්‍ය ප්‍රකාශ කරන බව සුනිල් හඳුන්නෙත්ති චෝදනා කරයි.

9.සංවර්ධනය ගමට රැගෙන ඒම සඳහා ප්‍රාදේශීය සභා බලය ආණ්ඩුවට අවශ්‍ය බව නියෝජ්‍ය ආරක්ෂක ඇමති අරුණ ජයසේකර පවසයි.

10. මෙතෙක් අත්හිටුවා තිබූ පරාටේ නීතිය (අප්‍රියෙල් 1) සිට බලාත්මක වීමත් සමග ව්‍යවසායකයන්ගේ දේපළ බැංකු සතු කර ගැනීම යළි ආරම්භ වී ඇතැයි දිලිත් ජයවීර පවසයි. මෙනිසා නිසා 300,000 අධික ව්‍යවසායකයන් පාරට ඇද වැටෙන බව දිලිත් පවසයි.

1. ඉන්දීය අගමැතිවරයා චීනයේ යුද බලයට මුහුණ දීම සඳහා ලංකාව සමග ගිවිසුමක් අත්සන් කිරීමට නියමිත බව ඉන්දීය මාධ්‍ය වාර්තා කරයි. මෝදී සහ අනුර අත්සන් කරන ගිවිසුම කුමක්ද යන්න රටට හෙළිදරව් කළ යුතුව ඇතැයි ජන අරගල පක්ෂයේ වසන්ත මුදලිගේ සඳහන් කරයි. ( Peoples struggle alliance)

2. පානදුර නගර සභාවට පොදු ජන එක්සත් පෙරමුණෙන් තරඟ වදින අපේක්ෂිකාවක් අයිස් මත්ද්‍රව්‍ය ග්‍රෑම් 55ක් සමග අත්අඩංගුවට ගෙන ඇත. අනුරාධපුර ප්‍රදේශයේ හෝටලයකදී මෙම කාන්තාව අත්අඩංගුවට ගෙන ඇත. අත්අඩංගුවට ගත් තැනැත්තිය කුඩු සලිඳුගේ කණ්ඩායමේ අයෙක් බව පොලිසිය කියයි.

3. අප්‍රේල් පළමුවැනි දා සිට පාරිභෝගික භාණ්ඩ ගණනාවක් වැට් බද්දට යටත් කිරීමට නියමිතය. ඒ අනුව බිත්තර බද්දකට යටත්ය විවිධ කටයුතු සඳහා අදාළ මුද්දර ගාස්තුද වැඩි වීමට නියමිතය. උපයන විට බදු ද අලුත් මුහුණුවරකින් ක්‍රියාත්මක වීමට නියමිතය.

4. වසරේ පළමු කාර්තුව තුළ BYD මෝටර් රථ සඳහා ඇණවුම් 3000 කට වඩා ලැබී ඇති බව මෙරට දේශීය නියෝජිතයා සඳහන් කරයි. එම සියලු වාහන එළඹෙන මැයි – ජූනි පමණ විට බෙදාහැරීමට හැකිවනු ඇති බව දේශීය නියෝජිත John Keells ආයතනය සඳහන් කරයි.

5. වසර 47කට පසුව යාපනය හා ට්‍රිචී ගුවන් තොටුපල අතර ගුවන් ගමන් ඇරඹී ඇත. IndiGo ගුවන් සේවය විසින් තිරුචිරප්පල්ලි සහ යාපනය අතර දෛනික ගුවන් සේවාවක් ක්‍රියාත්මක කොට ඇත. එහි මුල්ම මගී ගුවන් යානය පසුගිය 30දා පලාලි වෙත ළඟා විය. ]

6. අල්ලස් සිදුවීමක් සම්බන්ධයෙන් රක්ෂිත බන්ධනාගාර ගත කර සිටි හිටපු අමාත්‍ය වියාලේන්ද්‍රන් යළි රක්ෂිත බන්ධනාගාර විය. මහජන දේපළ අවභාවිතා කිරීම සම්බන්ධයෙන් රක්ෂිත බන්ධනාගාරගත කර සිටි පා.ම චාමර සම්පත් ද යලි රක්ෂිත බන්ධනාගාර ගත විය.

7. විහාර දේවාලගම් පණත සංශෝධනය කළ යුතු බව මිහින්තලේ ස්වාමීන් වහන්සේ පවසයි. එම පනතේ හිඩස් උපයෝගී කරර ගනිමින් දළදා මාලිගාවේ දියවඩන නිලමේ අවුරුදු විස්සක් බලය හොබවන බව උන්වහන්සේ කියයි. දියවඩන නිලමේ ව්‍යාපාරිකයෙක් යයි ද උන්වහන්සේ චෝදනා කරයි.

8. 2007දී රිලවුන් අල්ලා රන්දෙනිගල දූපතට දැමූ බවත්, වතුර අඩුවන කාලයේදී උන් ඔක්කෝම ගමට ගිය බවත් පාටලී චම්පික කීවේය. එකල්හි චම්පික පරිසර ඇමති විය. මේවා කලින් අත්හදා බලලා අසාර්ථක වූ වැඩ යයිද ඔහු කීවේය.

9. KDU රෝහල , ජයවර්ධනපුර රෝහල, මහවැලි අධිකාරිය අධිකාරිය, වී අලෙවි මණ්ඩලය, ජාතික චිත්‍රපටි සංස්ථාව අකාර්යක්ෂම සහ පාඩු ලබන ආයතන ලෙස නම් කොට ඇත. රාජ්‍ය ආයතන 160ක කාර්යභාරය සමාලෝචනය කර ඒවායේ ඉදිරි ක්‍රියාමාර්ග නිර්දේශ කිරීමට රජය විසින් පත්කළ කමිටුව මගින් මෙම වර්ගීකරණය සිදුකොට ඇත . ඉදිරියේදී මෙම ආයතන ඈවර කිරීම හෝ ප්‍රති ව්‍යුහගත කිරීමට නියමිතය

10. මෝටර් රථ ප්‍රවාහන දෙපාර්තමේන්තුව වෙතින් සේවාවන් ලබාගැනීම සඳහා බදු ගෙවන්නා හඳුනාගැනීමේ අංකය (TIN) අනිවාර්ය කර ඇත. නව නීතිය 2025 අප්‍රේල් 15 වැනි දින සිට ක්‍රියාත්මකය.

11. පොදු ජන පෙරමුණේ සිට රනිල් සමග එකතුවූ පිරිසක් යලි මුල් පක්ෂයට ගොස් ඇත. ඒ අනුව අකිල එල්ලාවල , මහින්ද යාපා , ලක්ෂ්මන් යාපා, කරුණා කොඩිතුවක්කු යලි පොහොට්ටුව සමග එක් වී ඇත.

12. සුභාෂ්කරන් අල්ලිරාජාගේ ලයිකා සමාගම මෙරට මාධ්‍ය ආයතන 12ක් අත්පත් කර ගත් ආකාරය පිළිබඳව පුලුල් විමර්ශනයක් සිදු කරන බව නීතිපතිවරයා ශ්‍රේෂඨාධිකරණයට දැනුම් දෙයි. නීතිපතිවරයාගේ අනාවරණය අනුව අපරාධ පරීක්ෂණ දෙපාර්තමෙන්තුව අල්ලස් හො දූෂණ විමර්ශණ කොමිසම සහ මහ බැංකුවේ මූල්‍ය බුද්ධි ඒකකය විසින් මෙම විමර්ශන සිදු කරනු ලබයි. මෙම මාධ්‍ය ආයත අත්පත් කර ගැනීම සම්බන්ධයෙන් පුළුල් පරීක්ෂණයක් පවත්වන ලෙස ආරක්ෂක අමාත්‍යාංශය රාජ්‍ය බුද්ධි සේවයට ලබා දී ඇති උපදෙස් අනුව මෙම විමර්ශණ සිදු කෙරෙන ඒ අනුව ලයිකා සමූහයට අනුබද්ධිත බෙන් හෝල්ඩින්ග්ස් (පුද්ගලික) සමාගම සහ බ්ලූ සමිට් කැපිටල් මැනේජ්මන්ට් පුද්ගලික සමාගම සම්බන්ධයෙන් අපරාධ පරීක්ෂණ දෙපාර්තමේන්තුව මහ බැංකුවේ මූල්‍ය බුද්ධි ඒකකයේ සහාය ඉල්ලා තිබේ.

1. එජාපයේ අනාගතය කඩාකප්පල් කිරීමට උත්සහ දරණ පුද්ගලයන් දෙදෙනෙක් රනිල් වික්‍රමසිංහව ප්‍රාණඇපයට ගෙන ඇති බව රවී කරුණානායක පවසයි. රවි විසින් නම් සඳහන් නොකළද එකී පුද්ගලයන් දෙදෙනා සාගල සහ වජිර බව පක්ෂ අභ්‍යන්තර ආරංචි මාර්ග හෙළිකර සිටියි.

2. නීති විරෝධී වත්කම් පවරා ගන්නා පනත 8 වැනිදා පාර්ලිමේන්තුවට ඉදිරිපත් කරන බව ජනාධිපතිවරයා ප්‍රකාශ කරයි

3. නාමල් සහ කරන්නාගොඩට එරෙහි නඩු විභාග කරන විනිසුරුන්ගෙ ඉල්ලා අස්වීමක් සිදුවිය. ඊට ප්‍රතිචාර ලෙස, විනිසුරුවරුන් ඉල්ලා අස්වීම කණගාටුවට කරුණක් බව ජනාධිපති කීවේය. කෙසේ වුවද ඉල්ලා අස්වීමට හේතු වූයේ මාලිමාවට සම්බන්ධ youtube ක්‍රියාකරුවන් සිදු කළ විවේචන යයි ගම්මන්පිල කීවේය. ජනපති අනුර ලදරුවකු සේ හැසිරෙන බවද ගම්මන්පිල කීවේය.

4. මොන ගිවිසුම තිබුණත් තම රජයේ ගානට එනතුරු සුලං විදුලි බලාගාරයේ ඉදි නොකරන බව ජනාධිපති අනුර කුමාර ප්‍රකාශ කළේය. පරණ ගිවිසුම යටතේ බලාගාරය පිහිටුවීම අපරාධයක් බවද ජනාධිපතිවරයා කීවේය.

5. පවුල් පිටින් ඝාතනය කරන බවට ගම්පහ පොලිසියට පාතාලයෙන් මරණ තර්ජනයක් එල්ල වී ඇත. තර්ජනයක් එල්ල කර ඇත්තේ ගනේමුල්ලේ සංජීවගේ ගෝලයෙක් වන නේවි දිනේෂ්ය.

6. ආර්ථික අර්බුදය නිසා නැවතුන ව්‍යාපෘති රැසක් යළි ආරම්භ කරන බව ජනාධිපතිවරයා ප්‍රකාශ කළේය ජපන් ආධාර ලබන ව්‍යාපෘති 11ක් සහ මධ්‍යම අධිවේගී මාර්ගය එසේ යළි ආරම්භ වන ව්‍යාපෘතිය අතර වෙයි.

7.දේපළ බදු හා කුලියට දීමේ මුද්දර ගාස්තුව සියයට සියයකින් ඉහළ දමයි. අප්‍රේල් මස පළමු වන දින සිට ක්‍රියාත්මක වන පරිදි අදාළ ගාස්තු ඉහළ දැමීම සිදුවන බව මුදල් අමාත්‍යංශය සඳහන් කළේය.

8. පාස්කු ප්‍රහාරයට වගකිවයුතු අය ගැන විශේෂ හෙළිදරව්වක් කරන බව ජනාධිපති අනුර කුමාර පැවසීය.අප්‍රේල් 21වනදා පෙර අපරාධකරුවන්ගෙ ලැයිස්තුවක් හෙළිදරව් කිරීමට සූදානම් බව ජනපති කීවේය.

9. පලාත්පාලන මැතිවරණය සදහා නාම යෝජනා දුන් දිස්ත්‍රික් නායකයන්ට දිලිත්ගේ පක්ෂයෙන් රු ලක්ෂ දහයක් ලබාදී ඇති බව ඊයේ සමාජ ජාලා තුළ පල විය. නාමල් ගේ පක්ෂයෙන් අපේක්ෂකත්වය ලැබුණ පුද්ගලයන්ට රුපියල් ලක්ෂ පහක් ලැබුණු බවද කියවුණි. පක්ෂ දෙකටම මුදල් පොම්ප කළේ විදේශගතව සිටින බැසිල් රාජපක්ෂ බවත් කියවුණි.

10. මාතර අපරාධ විමර්ශන කාර්යාංශය වෛද්‍යවරයකු සන්තකයේ තිබී අයිස් මත්ද්‍රව්‍ය මිලිග්‍රෑම් 400ක් සොයාගෙන ඇත. වෛද්‍යවරයා මත්ද්‍රව්‍ය ජාවාරමේ යෙදී ඇති බව පොලිසිය සැක කරයි.

11. මෙම වසර මුලදී ලංකා බැංකුවට හැකර් ප්‍රහාරයක් එල්ල විය. බැංකුව හැකරුන්ගෙන් මුදවා ගත් බවත්, දත්ත ගබඩාවන්ට කිසිදු හානියක් සිදුව නැති බව ලංකා බැංකුව ප්‍රකාශ කර තිබුණි. මේ වන විට මෙරට බැංකුවක පෞද්ගලික දත්ත ඩාක් වෙබ් සයිට් එකේ අලෙවි වනු දැකිය හැකිය. බැංකුව කුමක් කීවද හැකර් ප්‍රහාරයෙන් දත්ත සොරා ගෙන ඇති අතර එම දත්ත ඩාක් වෙබ් එකට මුදා හැර ඇත.

12. ක්‍රිකට් පාලක මණ්ඩලයේ හිටපු සභාපතිවරයකු වන ශම්මි සිල්වා එම ධූරයට නිතරඟයෙන් යළිත් පත්වෙයි. මෙය ඔහු නිතරගයෙන් පත් වූ හතරවෙනි අවස්ථාව වෙයි. මෙවර ඔහුගේ ඔහුගේ නිල කාලය 2025 – 2027 ලෙසින් වෙයි.

13. රයිගම් ටෙලීස් සම්මාන උළෙලට පෙර නොවූ විරූ විරෝධයක් වාර්තා වෙයි. මීට හේතුව සම්මාන ප්‍රදානයේදී ආණ්ඩුවට පක්ෂ පක්ෂපාති පුද්ගලයන්ට විශේෂ අනුග්‍රහයක් දැක්වීමය. සම්මාන උළෙල තුල, දඹුලු විහාරය වඳින අතරතුර තලගොයි මැරූ සෙයක් දිස්වන වූ බව කියැවෙයි.

14. පුත්තලම මහාධිකරණ විනිසුරු නදී අපර්නා විසින් ප්‍රියංකා උදයංගනී නම් නීතිඥවරියක් රිමාන්ඩ් කිරීමට පසුගිය දා නියෝග කලාය. චූදිත නීතිඥවරිය වෙනුවෙන් නීතිඥ සංගමයේ සභාපති රජීව රීට් පෙත්සමක් ගොනු කළාය. පෙත්සම විභාග කළ අභියාචනාධිකරණය සිරගත කළ නීතිඥවරිය නිදහස් කිරීමට අද නියෝග කළේය.

15 .කැනඩාවේ පාසල් විෂය මාලාවට “ශ්‍රී ලංකාවේ ජන සංහාර” චෝදනාව ඇතුළත් කිරීමේ යෝජනාව ව්‍යර්ථ විය. දෙමළ ජන සංහාරයක් ශ්‍රී ලංකාවේ සිදු නොවූ බව ඔන්ටාරියෝ උසස් අධිකරණය, ඔන්ටාරියෝ අභියාචනාධිකරණය සහ කැනඩාවේ ශ්‍රේෂ්ඨාධිකරණය විසින් තීරණය කර ඇත.

1. හෙට හිටපු පොලිසිය භාර ඇමති ටිරාන් අලස් CIDයට කැදවා ඇත. අදාල නඩුවේ ස්වභාවය අනුව පොලිසිය බාර ඇමතිවරයාගෙන් ප්‍රකාශයක් ලබා ගැනීම අනිවාර්යයෙන් සිදු විය යුතුය. කෙසේ වුවද ටිරාන් කැඳවීම සම්බන්ධයෙන් පොලිසිය කතා කරන්නේ දෙගිඩියාවෙනි. W- 15 වෙඩි තැබීමේ සිද්ධිය සම්බන්ධයෙන් හිටපු ඇමති තොරතුරු දන්නා බවට ඇතිවූ සැකය මත කට උත්තරයක් ගන්නා බව පොලිසිය ප්‍රකාශ කොට ඇත.

2. උදය ගම්මන්පිල සති අන්ත පුවත්පතකට සාකච්ඡාවක් දෙමින්, වත්මන් ජනාධිපති ලැජ්ජාසහගත විදිහට මගේ නඩුවට බලපෑම් කලා යයි ප්‍රකාශ කොට ඇත. අදාල නඩුව චම්පික රණවක තමන් සමග ඇති පෞද්ගලික තරහක් නිසා දාපු බොරු නඩුවක් බවද ප්‍රකාශ කොට ඇත. 1997 කූටලේඛනයක් හැදුවා කියලා නඩුව දැමුවේ 2016 දීය ( අවුරුදු 19කට පසු) මා විසින් හැදුවා යයි කියන ලද කූටලේඛනය අධිකරණයට ඉදිරිපත් කරලා නෑ. සාක්ෂියට අස්සන් කරපු අයගෙන් පොලිස් ප්‍රකාශයක්වත් අරන් නැහැ. ලෙසින් ගම්මන්පිල පුවත්පතට කියා තිබුණි.

3. බුද්ධ ශාසන අමාත්‍යාංශයේ ඉහළම ප‍්‍රධානීන් දෙදෙනා බෞද්ධාගමිකයන් නොවන බවත් එවන් තත්ත්වයන් යටතේ මහා නායක හිමිවරු නිහඩව සිටීම යටලුකාරී බව ජාතික නිදහස් පෙරමුණ පවසයි.

4. දේශබන්දු පොලිස්පති ධුරයෙන් ඉවත් කිරීම සඳහා NPP මන්ත්‍රීන් ගෙන ආ යෝජනාව අනීතික බව හිටපු අධිකරණ ඇමති විජයදාස කියයි. ජනාධිපතිවරයා විසින් දේශබන්දු පොලිස්පති ලෙස පත් කළා. ඒ සදහා ව්‍යවස්ථාදායක සභාවේ අනුමැතිය ගත්තා. නමුත් පොලිස්පතිවරයාගේ පත්වීම එය අධිකරණ නියෝගයක් මගින් අත්හිටුවනු ලැබුවා. ඒ අනුව දැන් දේශබන්දු දැන් පොලිස්පති නොවේ . අධිකරණ නියෝගය එලෙසම පැවතෙද්දි NPP මන්ත්‍රීන් පොලිස්පති අයින් කිරීමට යෝජනාවක් කථානායකට භාර දුන්නා. එම යෝජනාව නීතියට පටහැනි බව හිටපු අධිකරණ ඇමැති කියයි.

6. 2030 වන විට ලංකාවේ විදුලි අවශ්‍යතාවයෙන් 70% ක් පුනර්ජනනීය බල ශක්තිය නිපදවීම මෙරට ජාතික සැලසුමකි. වත්මන් රජය එම මහා පරිමාණ ව්‍යාපාරිකයන්ට ලබාදීමට සැලසුම් කොට ඇත. පසුගිය කාලය පුරා ලංකා විදුලි බල මණ්ඩලය මගින් නෙට් මීටරින් ක්‍රම වේදය යටතේ නිවෙස් හිමියෙක් වහල මතසවිකරන කිලෝ වොට් 40 දක්වා සූර්ය පැනල මගින් විදුලි බල මණ්ඩලයට අතිරේක විදුලි බලය විකිණීමට සාමාන්‍ය ජනතාවට ඉඩ දී තිබුණි. එවැනි සූර්ය පැනල නිවාස ලක්ෂයක් පමණ ඇත. 2024වර්ෂයේදී මෙවන් නිවාසවලින් ජාතික පද්ධතියට මෙගා වොට් 600ක් පමණ එකතු වෙයි. වත්මන් රජය එම ධාරිතාව සියයට පනහකින් කප්පාදු කිරීමට නියමිතය. එහි එක් පියවරක් ලෙස රජය රු 37 කට මිලදී ගත් ඒකකය රු 19 කට කිරීමට නියමිතය. මෙම තත්ත්වය නිසා ලක්ෂයකට ආසන්න පිරිසකට රැකියා අහිමි වීමට නියමිතය.

7. මහා පරිමාණ සූර්ය බලාගාරයක් සඳහා සියඹලාආණ්ඩුව ප්‍රදේශයේ භූමියක් සිංගප්පූරු සමාගමකට ලබාදීමට රජය සැලසුම් කරයි. ඊට අදාළ ලියවිලි කැබිනට් මණ්ඩලයට ඉදිරිපත් වී ඇත.

8. අප්‍රේල් 5 ඉන්දීය අග්‍රාමාත්‍යවරය සමග සාම්පූර් හි මෙගා වොට් 50ක විදුලි බලාගාරයක් සඳහා ගිවිසුම් ගත වීමටද නියමිතය.

9. ශ්‍රී ලංකාව කලාපයේ අඩුම විදුලි ගාස්තුව සහිත රට බවට පත් කරන බව ජනපති අනුර කුමාර පළාත් පාලන මැතිවරණයේ ජනරැළියක් අමතමින් පවසයි.

10. @පෞද්ගලික උපකාරක පන්ති ගුරුවරු ලියාපදිංචි කිරීමට රජය සැලසුම් කරයි. ඒ සඳහා “ගුරු සභාව” නමින් ආයතනයක් පිහිටුවීමට යෝජිතය. ඉදිරියේදී සභාවේ ලියාපදිංචි නොවූවන්ට ඉගැන්වීමේ කටයුතු කළ නොහැකි වනු ඇත.

පසුගියදා මහ බැංකු සේවකයන් ඉතා කූට ලෙස ලබා ගත්  වැ‍ටුප් වර්ධකය පක්ෂ විපක්ෂ බොහෝ දෙනෙකුගේ උදහසට ලක් වී ඇත.  මෙය සිදු කර ඇත්තේ පාර්ලීමේන්තුවට හොරෙනි. ආණ්ඩුක්‍රම ව්‍යවස්ථාවට අනුව මහ බැංකු සේවකයන්ගේ වැ‍ටුප් පමනක් නොව  සමස්ථ  මූල්‍ය පාලනය පාර්ලීමේතුව සතුය.

ඉන් වසරක් ගත වෙත්ම සනත් නිශාන්ත රිය අනතුරකට ලක්ව අවසන් ගමන් ගියේය. අනතුර සිදුවූයේ ලංසාගේ ඡන්ද බල ප්‍රදේශයේය.

සනත් නිශාන්ත බේරා ගැනීමට පැමිණියේ ලංසාගේ ඡන්ද බල ප්‍රදේශයේ පුද්ගලයන්ය.සනත් නිශාන්තගේ වාහනේ තිබූ කළ සැක කටයුතු පාර්සල් කිහිපයක් පිළිබඳව හෙළිදරව් කරන්නේ එකී පුද්ගලයන්ය.

කෙසේ වුවද 18 කණුවේ සිට අනතුර වූ ස්ථානය දක්වා CCTV 13 ක් පමණ ඇත. පුද්ගල සාක්ෂි වලට අමතරව cctv සාක්ෂි වලින් සනත් නිශාන්තට එල්ල වන චෝදනාව විමර්ශනය කළ හැක.