දේශපාලකයා වසර 5න් පහට මාරු වුවද රාජ්‍ය සේවකයා වසර 40 ක් පමන අඛන්ඩව බලයේ සිටියි. මේ නිසා .හොර පාරෙන් ගණුදෙනු කිරීමට තෝරාගත යුත්තේ දේශපාලකයන් නොව රාජ්‍ය නිළධාරීන් බවට සූත්‍රයක් ඇත.
වර්තමානයේ ලංකාවේ පලාත් පාලන ආයතන පවතින්නේ රාජ්‍ය සේවකයන් යටතේය . මෙරට දේශපාලකයන් පිරිස දෙසිය ගණනනකට සීමා වී ඇත. නමුත් රාජය සේවකයන් ලක්ෂ 18ක් සිටියි.
අද රාජ්‍ය සේවකයන් නීතිය සෙල්ලමකට ගෙන ඇත. කෙටියෙන් කිවහොත් රාජ්‍ය සේවය පාතාලයක් බවට පත්ව ඇත.
වරෙක මහබැංකු අධිපති පාර්ලීමේන්තුවටවත් නොදන්වා රාජ්‍ය බුන්වත් යයි ප්‍රකාශ කළේය. තවත් වරෙක අනීතික ලෙස තමන්ගේ සහ ගෝලයන්ගේ වැ‍ටුප් වැඩි කර ගත්තේය.
මේ වන විට ලංකාවේ සෞඛ්‍ය සේවය බොහෝ දෙනෙකුගේ අවධානයට ලක්වී ඇත. බාල බෙහෙත් වංචාවට සෞඛ්‍යය සේවකයන් සෘජුවම දායක වී ඇත.පසුගියදා මහජන සෞඛ්‍ය පරීක්ෂකයෙකු වෙඩි කා මිය ගියේය. ඔහු ජීවත්ව සිටියදී කළ කී දෑ මේ වන විට මහත් ආන්දෝලනයට ලක්වී ඇත.
PHI තනතුර බ්‍රිතාන්‍ය ජාතිකයන් විසින් හඳුන්වා දුන් එකකි. හමුදාව තුල PHI තනතුර අධිකාරි තනතුරක් නොවේ. එය සෙසු නිලයකි.නමුත් මෙරට PHIලා Gorget patches on the collar පලදියි. හමුදාව තුල Gorget patches on the collar පැළදිය හැක්කේ කර්නල් නිළයෙන් ඉහල නිළධාරීන්ට පමනි.
නැෂනල් ඇලට් වෙබ්ඩවිය මේ පිළිබදව පරිපාලනයේ හසල අද්දැකීම් ඇති වෛද්‍යවරයෙකුගෙන් විමසීමක් කළේය. PHI ලා කොලරයේ Gorget patches on the collar පැලදීම වරදක් බව ඔහු ප්‍රකාශ කළේය. රාජ්‍ය සේවය අයාලේ ගොස් ඇති අන්දම් මින් පැහැදිළි වෙයි.
ලංකාවේ පාසැල් 9994 ක් ඇත. ඉන් 2500ක වැසිකිලි පහසුකම් නැත, ජලය නැත. ජාත්‍යන්තර සම්මතයන් අනුව සිසුන් 50 දෙනෙකුට එක් වැසිකිළියක් තිබිය යුතුය. ඒ අනුව බැලුවහොත් ලංකාවේ පාසැල් 99 % ක ප්‍රමානවත් සනීපාරක්ෂක පහසුකම් නැත. PHI ලා මේවා ගැන කතා නැත්තේ ඒ පිළිබඳ කතා කොට මුදල් ඉපයිය නොහැකි නිසාය.
PHIලාගේ මූලික කාර්ය වසංගත රෝග සහ අනෙකුත් රෝග පාලනය, කසල කළමනාකරණය , ජලයේ ප්‍රමිතිය සහතික කිරීම, සුනඛයන් එන්නත් කිරීම, මැසි මදුරු උවදුර පාලනය කිරීම වැනි දෑය.
PHIලා සිය ප්‍රමුඛ රාජකාරි පසෙක තබා ආහාර සහ හෝටල් පසුපස යන්නේ එය එය මුදල් ගැරීම සඳහා හොදම මාර්ගය වන නිසාය.
වෙඩි කා මිය ගිය PHI, ටිපි ටිප් වැනි අගය එකතු කළ ආහාර ගර්භාවට ලක් කරන වීඩියෝවක් මේ වන විට කරලියට පැමින ඇත.
රටක් දියුනු වීමට නම් හැකි තරම් අගය එකතු කළ නිෂ්පාදන (Value added products) කළ යුතුය. එනම් බඩ ඉරිගු පිටි යොදාගෙන ටිපි ට්ප් නිෂ්පාදනය කළ යුතුය. අවිචාරවත් ලෙස එවැනි දේශීය නිෂ්පාදන හෙලාදැකීම දේශද්‍රෝහී ක්‍රියාවකි.
රජ්‍ය සේවකයන් යනු මහජන මුදලින් වැ‍ටුප් ලබන පිරිසකි, එමෙන්ම ඔවුන් ඉතා අඩු පළදායිතාවක් ඇති පිරිසකි. නමුත් ඉතා ඉහල වරප්‍රසාද ලබන පිරිසකි .. ලංකාවේ පරිහානියට දේශපාලඥයන් යන්ට වඩා රාජ්‍ය සේවකයන් වගකිව යුතුය
