ජවිපෙ දිනෙන් දින ජයග්‍රහණය වෙත පියනගන බව ඔවුන්ගේ ආධාරකරුවන් කියා සිටියි. තවද ජවිපෙ සාර්ථකත්වය ගැන ජාත්‍යන්තර ප්‍රජාව පවා පුදුම වී ඇති බව ඔවුන් කියයි . විදේශ තානාපතිවරු පැලවත්ත කාර්යාලයට එන්නේ මේ නිසා බව ඔවුන් කියා සිටියි.
ලංකාවේ ජනයා ලින් මැඩියන් පිරිසක් වුවද විදේශ ප්‍රජාව එසේ නොවේ. ඔවුන්ට මහපොලොවේ යථාර්තය පිලිබද නිවරදි වැටහීමක් ඇත.
විදේශ රටක් ජවිපෙ සමග කිට්‍ටුවෙන් වැඩ කිරීමට යාමේදී ඔවුන් පලමුව සලකා බලන්නේ ජවිපෙ මෙරට තුල කොතරම් ජනප්‍රියද යන්න නොව, ජවිපෙ කොතරම් දුරට තමන්ගේ භූදේශපාලන න්‍යායපත්‍රයට හීලෑ වන්නේද යන්නය.
මෙය කාලීන උදාහරණයක් මහින් පැහැදිළි කළ හැක. මේ වන විට යුක්‍රේන යුද්ධයට ලොව සියළු බලවත් ජාතීන් පැටලී සිටියි. මෙරට හමුදා නිලධාරින් ( විශ්‍රාමික ) සිය ගණනක් යුක්‍රේන යුද්ධයට සම්බන්ධ වී ඇත. ලංකාවේ හමුදා භට පිරිස සම්බන්ධ වී සිටින්නේ රුසියානු රතු පෙරමුණට නොව ඇමෙරිකාව නායකත්වය දෙන පිලටය.
මේ වනවිට යුක්‍රේන යුද්ධයට සම්බන්ද වූ මෙරට හමුදා නිළධාරියෙකු මියගොස් තවත් 6 දෙනෙකු අතුරුදහන් වී ඇත.මෙරට හමුදා නිලධාරීන් පිරිසක් රුසියාවට එරෙහිව යුද්ධ කිරීමට යාම පිළිබදව මෙරට දේශපාලන පක්ෂ නිහඬ ප්‍රේක්ෂකයන් ලෙස සිටියද එය ඉතා බරපතල කාරනයකි
මේ සම්බන්ධයෙන් කරුණු සොයා බැලීමට රුසියාවේ ඉහලම පෙලේ රාජතාන්තිකයන් පිරිසක් පෙරේදා ලංකාව ආවේය. එම නිළධාරීන් පිරිසට ජනපති පුටින්ගේ ආරක්ෂක කටයුතු පිළිබඳ ප්‍රධාන උපදේශක නිකොලායි පට්රුෂෙව් ද ඇතුල් විය.
රුසියානු නියෝජිතයන් දක්වා තිබූ කරුණු පහත පරිදිය
1. මෙරට පැවති සිවිල් යුද්ධයේදී රුසියාව අඛන්ඩව ශ්‍රී ලංකා හමුදාවට යුධ ආධා දුන් බව
2. එ.ජා මානව හිමිකම් කවුන්සිලයේදී ලංකාවට එරෙහිව යුධ අපරාධ චෝදනා එල්ල වන විට රුසියාව, ලංකාව වෙනුවෙන් කොන්දේසි විරහිතව පෙනී සිටියේය.
3. ලංකාවට යුධ අපරාධ චෝදනා එල්ල කළේ ඇමෙරිකන් පිලය. මෙරට හමුදා නිළධාරීන් මිතුරා අමතක කොට සතුරා සමග එක්වී ඇත. එය රුසියාවට කළ ද්‍රෝහී වැඩකි.
4. සිංහල හමුදා සාමාජිකයන් යුක්‍රේන යුද්ධයට බඳවා ගැනීම සිදුකර ඇත්තේ යුරෝපයේ සිටින එල්.ටී.ටී.ඊ සාමාජිකයෙකි. එය පැහැදිළිවම ශ්‍රි ලංකාව සහ රුසියාව කෙටවූ කුමන්ත්‍රණයකි
5. මෙරට ජනමාධ්‍ය යුක්‍රේනයේදී මියගිය හමුදා නිළධාරියා වීරත්වයට එසවූයේය. එය රුසියාවේ කනට ගැසීමට සමානය
6. මේ වන විට ශ්‍රී ලංකා රුසියා සම්බන්ධතා අර්බුධයට ලක්වී ඇත .
7. ලංකාව ගුනමකු වුවද ඉන්දියාව එසේ නොවීය. යුක්‍රේන් යුද්ධය ආරම්භ වූ පසුවත් ඉන්දීය හමුදා රුසියානු හමුදා සමග යුධ අභ්‍යාස කළේය .
8. ඉන්දියානුවන් රුසියාවට සතුරු යුධ පෙරමුණට සම්බන්ද වීම වැලැක්වීමට එරෙට ආරක්ෂක අංශ හැකි සෑම දෙයක්ම කළහ. ඉන්දියානු වාමාංශික පක්ෂද ඊට සක්‍රීය ලෙස දායක විය.
9. නමුත් ලංකාවේ රතු කඳවුර නියෝජනය කරන ජවිපෙ ඒ පිළිබදව කිසිදු හඬක් නැගුවේ නැත.
ලංකාවේ වාමාංශික පක්ෂ රුසියාවට ද්‍රෝහි වුනා පමනක් නොව අනුර කුමාර ඇමෙරිකාවේ සවාරි ගියේය.ඇමෙරිකාව ප්‍රතිපත්තියක් ලෙස රැඩිකල් වාමාංශික නායකයන්ට වීසා දෙන්නේ නැත. නමුත් අනුර කුමාරට ඇමෙරිකාවට යාමට වීසා ලැබුණි.
ජාතික ආරක්ෂාවේ හතර මායිම නොදත් නිලධාරීන් සහ වාමාංශික ලකුන පැළද සිටින ජවිපෙ උද්ගතව ඇති අනතුරට ප්‍රමුඛව වගකිව යුතුව ඇත
ඇමෙරිකන් තානාපති ජූලි චං පැලවත්තේ මූලස්ථානයට එන්නේ ජවිපෙ ප්‍රතිපත්ති ගැන පැහැදීම නිසා නොව ප්‍රතිපත්ති පාවා දීම නිසාය. ජවිපෙ නායකයන්ගේ නියම ස්වභාවය මෙරට ජනයාට රහසක් වුවද විදේශ ප්‍රජාවට ඒ ගැන හොඳ අවබෝධයක් ඇත.
