ආන්දෝලනාත්මක සමාජ ක්රියාකාරිණියක්වූ ශමිලා ලියනආරච්චි රාගම රෝහලේදී මරණයට පත්වී ඇත. මිය යාමට පෙර ඇය සති 2ක් පමන රෝහල්ගතව සිට ඇත. හදිසියේ රෝහල් ගතවීමට හේතුව ‘ස්ට්රෝක්’ එකක් යයි වාර්තා වී ඇත.එමෙන්ම මරණය සම්බන්ධයෙන් විවෘත තීන්දුවක් දී ඇති බව වාර්තා වෙයි.
ශමිලා ජීවතුන් අතර සිටියදී ආන්දෝලනාත්මක චරිතයක් විය .
1. ඇය බන්දුල සෙනරත් නම් සිරකරුවෙකු සමග විවාහ විය. ඔහු වැලිකඩ සිරකරුවන් ඝාතණයේ ප්රධාන සාක්ෂිකරු විය. ශමිලා ඔහු සමග විවාහ වූයේ ඔහු සිරගතව සිටියදීමය.
2. 2019 වසරේ මුල් භාගයේදී කුප්රකට ව්යාපාරිකයකු වන ප්රියාන් මැනික් කුඩා දැරිවියකු අපයෝජනය කළ බවට ඩිජිටල් සාක්ෂි රැසක් ලීක් විය. එම හෙළිදරව්ව කළේ ශමිලාය .
3. ශමිලා තදබල ලෙස රාජපක්ෂ රෙජීමය විවේචනය කළාය.
4. ශමිලා බන්ධනාගාර නිලධාරීන් සහ පොලීසියට එරෙහිවද තදබල විවේචන එල්ල කළේය.
ශමිලා නීතීඥ සේනක පෙරෙරා පිහිටවූ සිරකරු අයිතීන් සුරැකීමේ සංවිධානය සමග එක්ව වැඩ කළාය. ශමිලා ජීවත්ව සිටියදී ආන්දෝලනාතමක කරුණු ගණනාවක් හෙළිකළා පමනක් නොව ඇය රහස් ගබඩාවක් විය
ශමිලා ජීවත්ව සිටියදී නැෂනල් ඇලට් සමගද අදහස් බෙදාගත්තාය. ඇයගේ ජීවිතයට විශාල තර්ජනයක් පවතින බව ඇය නිතර කීවාය . ශමිලාගේ රහස් ගබඩාවේ තොරතුරු නීතීඥ සේනක පෙරේරා සහ අචලා සෙනෙවිරත්න වෙත ලබා දී ඇති බව එහිදී ඇය කීවාය .
ශමිලා පිළිබදව විමසීමට අප සේනකට කථාකළේය . කෙසේ වුවද නීතීඥ සේනක පෙරේරා මේවන ශිෂ්යත්වයක් ලැබ විදේශ රටක සිටියි. පවතින තත්වය අනුව තීරණාත්මකව මැදිහත්වීමට නොහැකි බව ඔහු අප සමග පැවසුවේය
කරුනු කෙසේ වෙතත් මෙම මරණය පිටිපස විශාල අබිරහසක් පවතින බව බොහෝ දෙනෙකුගේ විශ්වාසය වී ඇත
