ගෝඨාගේ දේශපාලන ආගමනය රටටත් මැදමුලන පවුලටත් විනාශකාරී ලෙස බලපාන බව නැෂනල් ඇලට් පෙන්වා දීම සිදු කළේ2016 වැනි ඈත කාලයේ සිටය.
එපමනක් නොව ගෝඨාගේ ඇමෙරිකන් පුරවැසිභාවය පිලිබද කාරණය විජාතික සතුරු බලවේග වලට ”නාස් ලණුවක්” වන බව පෙන්වා දුන්නේය ( කියවන්න පහත ලිපිය)
https://www.facebook.com/219430344788805/posts/2609104092488073/
මේ කථාව යලි සිහිපත් කළේ පසුගියදා පොලිස්පති ධූරයට පත්වූ දේශබන්දු ගැන වචනයක් ලිවීමට පෙරවදනක් ලෙසිනි.
ගෝඨාභයට, වැරදි චිත්‍රයක් මවා ත්‍රස්තවාදය වැලැක්වීමේ පනත යටතේ මෙම ලියුම්කරු සිරගත කළේ දේශබන්දු විසිනි.
ඊට හේතු වූයේ, දේශබන්දුගේ හිට් ස්කොඩ් එකෙන්, අද රෑට පාතාල නායක කොස්ගොඩ තාරක මරණ බවට කළ, ඓතිහාසික හෙළිදරව්වය.
මෙම වසරේ ජූනි මාසයේදී දේශබන්දුගේ නිවසේදී මෙම ලියුම්කරු සහ ඔහු අතර හමුවක් සිදුවිය. ලංකාවේ හොදම යූ ටියුබ් නාලිකාව ඇරඹීමට මෙම ලියුම්කරුට අනුග්‍රහය දැක්වීමට කැමති බව දේශබන්දු එහිදී ප්‍රකාශ කළේය.
එපමනක් නොව එම යූ ටියුබ් නාලිකාවේ පලමු සම්මුඛ සාකච්ඡාව හිටපු ජනාධිපති ගෝඨාභය සමග කළ හැකි බවද ඔහු ප්‍රකාශ කළේය. ඊට අවශ්‍ය කටයුතු යෙදිය හැකි බවට ඔහු පොරොන්දු විය.
එනමුත් කරුණු 2 නිසා ලියුම්කරුට ඔහුගේ ඉල්ලීමමට එකඟ විය නොහැකි විය, එනම්
1. දේශබන්දුට එරෙහිව ලියුම්කරු විසින් පැවරූ නඩුවක් ශ්‍රේෂ්ඨාධිකරණයේ විභාග වෙමින් පවතියි. එම නඩුව කථා කරන්නේ නීතීඥ උපුල් කුමාරප්පෙරුමය. බැඳියාවන් අතර ගැ‍ටුමක් ඇති කරගැනීමට ලියුම්කරුට අවශ්‍ය නොවීය
2. දේශබන්දුගේ යෝජනාව පිලිගැනීම මොනරවිල කැප්පෙටිපොල ලේ උරුමය හිමි ලියුම්කරුගේ අභිමානයට නොගැලපුණි. ඒ බව මා දේශබන්දු ගේ මුහුණටම ප්‍රකාශ කළෙමි.
මේ කථාව මා කීවේ, එදා මෙදා තුර පොලිස්පති ධූරය ලබා ගැනීම සඳහා විශාලතම කැම්පේන් එක කළ පුද්ගලයා දේශබන්දු බව කීමටය.
දේශබන්දු පොලිස්පති ධූරයට පත්කළේ රාජපක්ෂ පවුල විසිනි. රාජපක්ෂලා, දේශබන්දු එම තනතුරට පත් කළේ රටේ ආරක්ෂාවට නොව රාජපක්ෂ පවුලේ ආරක්ෂාව වෙනුවෙනි.
