මාලදිවයින් ජනපති මොහොමඩ් ඊබ්රහිම් සෝලි විසින් ලංකාව නව තානාපති ලෙස ආන්දෝලනාත්මක පුද්ගලයෙකු පත් කොට ඇත. ආන්දෝලනාත්මක පත්වීම ලැබූ පුද්ගලයා අලි ෆායිස් නම් තැතැත්තෙකි. මොහු මාලදිවයින තුල දියත්කොට තිබෙන බෞද්ධ විරෝධී ව්යාපාරයේ නායකයෙකි.
අබ්දුල් ගයුම්ගෙන් පසුව, 2007 දී මාලදිවයිනේ ජනපති බවට පත්වූයේ මොහොමඩ් නෂිඩ්ය. නෂිඩ් ලංකාවේ මිතුරෙකි. නෂිඩ් 2008 ඔක්තෝබර් මාසයේදී ඇමෙරිකන් ආධාර ලබාගෙන කාසු දූපතේ පෞරාණික බෞද්ධ ආරාමයක් සංරක්ෂණය කිරීමට පියවර ගත්තේය. නෂිඩ් 2008 නොවැ මස 2 දින ලංකාවේ සන්ඩේ ටයිම්ස් පුවත් පත සමග සංවාදයක යෙදෙමින් මාලදිවයින පුරා පැතිරයමින් තිබූ බෞද්ධ විරෝධී ව්යාපාරය ගැන හෙළි කළේය.
නෂිඩ් මාලදිවයිනේ බෞද්ධ උරුමය සංරක්ෂණය කරන විට, ඊට එරෙහිවූ ප්රධානම පුද්ගලයා අලි ෆායීස්ය. 2012 පෙබරවාරි 7 දින කුමන්ත්රණයකින් ජනපති නෂිඩ් බලයෙන් පහ කෙරුණි. නෂිඩ්ට බලය අහිමි වීමත් සමග බෞද්ධ විරෝධී රැල්ල ගින්නක් සේ පැතිර ගියේය. එම රැල්ල මෙහෙයවූයේ අලි ෆායිස්ය. මොවුන් සංරක්ෂණය කළ බෞද්ධ සිද්ධස්ථාන පමනක් නොව මාලේ ජාතික කෞතුකාගාරයේ තිබූ බෞද්ධ පුරාවස්තු පවා විනාශ කළහ.
අලි ෆායිස් නෂිඩ් බලයෙන් පහකල කුමන්ත්රණයේ කොටස්කරුවෙකු විය. නෂිඩ් චීනයේ මිතුරෙකි . නෂිඩ් බලයෙන් පහකළ කුමන්ත්රණය පිටුපස ඉන්දියාවේ RAW ඔත්තුසේවය සිටියේය. ඒ අනුව අලි ෆායිස් එම කඳවුරේ කුලී හේවායෙක් ලෙස පැවසුවද වැරදි නැත.
2019දී මෝදිගේ BJP රජය පැහැදිලි ජයක් ලැබුවේ ලංකාවේ පාස්කු බෝම්බය නිසාය. ඉස්ලාම් බිල්ලා BJP පක්ෂයට බලය ලබා ගැනීමට හොද උපකරණයකි. මේ වනවිට ඉන්දීයව ඊලග මැතිවරණයට සූදානම් වෙමින් සිටියි.
මේ වනවිට කලාපය තුල ISIS බීජ සිටුවන ව්යාපෘතිය යලි ආරම්භ කොට ඇත. .කාලයක් නිහඩව තිබූ බෞද්ධ – ඉස්ලාම් ගැටුම් යලි සක්රීය වෙමින් පවතියි. මෙවැනි තත්වයක් තුල අලි ෆායිස් එන්නේ කුමකට කියා මෙරට ආරක්ෂක අංශ සහ රජය විමසිලිමත් විය යුතුය
