පසුගියදා සම්මත වූ වැට් බදු සංශෝධන පනත අනුව 2024 ජනවාරි 01 වනදා සිට වැට් බදු අනුපාතය 15% සිට 18% දක්වා වැඩි කර ඇත.
නමුත් වැඩිවන ජීවන වියදමට සාපේක්ෂව පඩි වැඩීවීමක් සිදු නොවෙයි.මේ නිසා ඉදිරියේදී භාන්ඩ පරිබෝජනයේ අඩුවීමක් සිදු වීමට නියමිතය. එය ව්යාපාර කඩා වැටිමට හේතුවකි.
එකී ප්රතිවිපාක ඇතිවීම කිසිවෙකුට වැලැක්විය නොහැක. එනම් එලඹෙන කුණාටුව නැවැත්විය නොහැක. නමුත් රුවල් අත මාරු කොට ආරක්ෂාකාරීව යාත්රා කළ හැකිය.ඉදිරියේදී ඇති වීමට නියමිත ආර්ථික අවපාතය තුල කළ යුත්තේ පරිබෝජනය සීමා කිරීම නොව , ආදායම වැඩිකර ගැනීමය.
ආර්ථික අවපාතය තුල රාජ්ය සහ පෞද්ගලික ආයතන තුල තීරණාත්මක වෙනස්කම් කිහිපයක් සිදුවිය යුතුය .
1. විශේෂ ක්රමවේදයක් හරහා ඉහල වැටුප් ලබන සේවකයන් ස්වේච්ඡාවෙන් විශ්රාම ගැන්වීම
2. සේවකයන්ගේ වැඩ ප්රමාණය වැඩි කොට වැටුප වැඩි කිරීම,
3. පාට් ටයිම් රැකියා අවස්ථා බිහි කිරීම
4. විශ්රාම යන සේවකයන්ගේ පාරිතෝෂික , EPF සහ ETF කඩිනමින් ගෙවා ඔවුන් ව්යාවසායකයන් බවට පත් කිරීම
5. සාම්ප්රදායික 8.30 -4.30 වැඩ ක්රමය වෙනුවට ඉලක්ක සකසා ඒ අනුව වැටුප් ගෙවීම.
6. සේවකයෙකු එක් ස්ථිර රැකියාවක් කරනවා වෙනුවට පාට් ටයිම රැකියා දෙක තුනක් කරන නව සංස්කෘතියක් ඇති කිරීම.
7. අන්තර් ජාලය හරහා භාන්ඩ අපනයනය කොට ගෙවීම ලබා ගත හැකි pay pal වැනි ගෙවීම් ක්රම හදුන්වා දීම
8. විදේශ වෙළද නැව් ලංකාව තුල ලියා පදිංචි කිරීම වැනි නව ක්ෂේත්ර හදුන්වා දීම
9. Online රැකියා සංස්කෘතිය ප්රවර්ධනය කිරීම
10.ආයෝජනයට හිතකර පරිසරයක් බිහි කිරීම
කරුණු එසේ හෙයින් මහජන නියෝජිතයන්ගේ, විධායකයේ සහ ජන මාධ්යයේ වගකීම විය යුත්තේ ඉහත ආකාරයේ විකල්ප බල ගන්වා ආර්ථික අවපාතයට සාර්ථකව මුහුණ දීමට ජනයා සංවිධානය කිරීමය.
එසේ වුවහොත් ආර්ථික අවපාතය නම් අදුරු වලාව තුල සැඟව ඇති රිදී රේඛාව දැකිය හැකි වනු ඇත. එළඹෙන වසර සුභ නව වසරක් වන්නේ එවැනි දැක්මකින් පමනි
