මුදල් ආයෝජනය සමාගමක් මවා පාමින්, WTC, 34 වැනි මහලේ, කාර්යාලයක් පවත්වාගෙන ගිය කාන්තාවක් CID විසින් (5දා) අත්අඩංගුවට ගෙන ඇත. CID අත්අඩංගුවට පත්වූ කාන්තාවගේ නම , තිළිණි ප්‍රියමාලි වෙයි
තිළිණි ප්‍රියමාලි අත්අඩංගුවට ගෙන ඇත්තේ ප්‍රකට වෛදවරයෙකු කළ පැමිණිල්ලක් පදනම් කරගනිමිණි. කෙසේ වුවද අත් අඩංගුවට ගන්නා විට මෙම කාන්තාවට එරෙහිව පැමිණිලි ගණනාවක් පොලිස් පොත්වල තිබී ඇත. මෙම කාන්තාව, ආරක්ෂක අංශයේ ඉහලම නිළධාරීන් ගණනාවක් සමග ඉතා කිට්‍ටුවෙන් වැඩ කොට ඇත . එම සම්බන්ධකම් භාවිතාකර, ඇයට එරෙහි පැමිණිලි ශූක්ෂමව යටපත් කොට ඇත.
දැනට හෙළිදරව් වී ඇති තොරතුරු වලට අනුව ඇය වංචා කොට ඇති මුදල මිලියන 4000කට ආසන්න බව හෙළිවී ඇත. වංචාවන්ට ලක්වූ පුද්ගලයන් අතර කෝටිපති ව්‍යාපාරිකයන්, ප්‍රබල දේශපාලනඥයන්, සුප්‍රසිද්ධ වෘත්තීකයන් ඇතුළු විශාල පිරිසක් වෙයි.
තවද මුදල් ලබා දුන් ප්‍රභූන් සමග ලිංගික සම්බන්ධතා පවත්වා, එම ජවනිකා උපයෝගි කරගනිමින් ප්‍රභූන් බ්ලැක් මේල් කොට ඇති බවද හෙළි වී ඇත.මේවා සම්බන්ධව සියළු සාක්ෂි අප වෙතද ලැබී ඇත
ඇය WTC .කාර්යාලයේ කුලිය ලෙස මාසිකව ලක්ෂ 16ක් ගෙවා ඇත.
මෙම ජාවාරමට ඇයගේ සහකරු ලෙස පෙනී සිටින ඉසුරු ශම්මික බණ්ඩාර යන අයද සම්බන්ධ බව පරීක්ෂණ වලදි හෙළිවී ඇත. මොහු 2020 වසරෙදී වැලිගම පිහිටි ඇකඩමියකින් කිසියම් සහතියයක් ලබා ගෙන ඇති අතර එය BA උපාධියක් ලෙස වරනගා ඇත. ඉන් පසු 2021 වසරේ සිට, ආචාර්ය උපාධිධාරියෙකු ලෙස පෙනී සිටියි.
මෙම යුවල එක් රැයකින් ප්‍රකෝටිපතියන් බවට පත්වූ අය වෙයි. නමුත් මුදල් විශුෂ්ධිකරණය යටතේ නීතිය ක්‍රියාත්මක වූයේ නැත.තවද පොලිසිය භාර අමාතංශය විසින් කොළඹ ප්‍රදේශයේ මහජන ආරක්ෂක කමි‍ටු පිහි‍ටුවීමේ උත්සව සදහා මෙම තක්කඩි කාන්තාව ප්‍රධාන ආරධිතයෙකු ලෙස ගෙන්වා ඇත.මෙවැනි සිදුවීම හරහා ලංකාවේ විමර්ශන ආයතන මොන තරම් අකාර්ෂක්ෂමද යන්න පැහැදිලි කරයි
මෙම කාන්තාව ආරක්ෂාව භාර ඉහලම පුද්ගලයෙකු සමහ අනියම් සම්බන්ධයක් පවත්වා ඇති බවත් විමර්ෂණ යට ගැසීමට විවිධ බලපෑම් එල්ල වෙමින් පවතින බවත් තොරතුරු දුන් පුද්ගලයා අප සමග පැවසුවේය
