ලංකාවේ වකුගඩු ජාවාරමේ ගෝඩ්ෆාදර් වෛද්ය රංග මිගාර වීරක්කොඩි බවට සිවිල් ක්රියාකාරීන් පිරිසක් වෛද්ය සභාවට පැමිණිලි කළහ මෙම පැමිණිල්ල ගොණු කළේ නීතීඥ ඉඳුනිල් බණ්ඩාර හරහාය.
මෙම පැමිණිල්ල විමර්ශනය කළේ ශ්රී ලංකා වෛද්ය සභාවේ කාරක සභික වෛද්ය ජයන්ත ජයවර්ධන සහ වෛද්ය එස් ෂන්මුගම් විසිනි.
වෛද්ය රංග මිගාර වීරක්කොඩිට එරෙහි විමර්ශනය මේ වන විට නිම කොට තිබුනද තවමත් ඒ සම්බන්ධයෙන් පියවරක් ගෙන නැත. අදාල පරීක්ෂණය යට ගසා ඇත .
විමර්ශන කටයුතු විනිවිදභාවයකින් තොර වීම අවාසනාවන්ත තත්වයකි. තවද විමර්ශන කටයුතු භාරව සිටි වෛද්ය ජයන්ත ජයවර්ධනට සහ වෛද්ය එස් ෂන්මුගම්ට විශාල මුදලක් ගෙවා පරීක්ෂණ යට ගැසූ බවටද චෝදනා එල්ලවී ඇත
වෛද්ය රංග මිගාර වකුගඩු ජාවරමට සම්බන්ධ බව රාවය , ලංකාදීප , සිළුමිණ පුවත් පත් මෙන්ම ඉන්දියානු පුවත් විසින් ද වාර්තා කොට තිබුණි. පොලිසිය විසින් වකුගඩු ජාවරම සිදු කල තැරැව්කරුවන් ද අත් අඩංගුවට ගන්නා ලදි.එහෙත් වකුගඩු ජාවරම සිදු කර ගෙන ගිය එක වෛද්යවරයෙකුවත් නීතිය ඉදිරියට ගෙන ආවේ නැත.
මීට පෙර අවස්ථාවකදී වෛද්ය රංග මිගාර වීරක්කොඩි සම්බන්ධ පරීක්ෂණයක් සෞඛ්ය අමාත්යාංශයේ හදිසි වැටලීම් අංශයේ ජී.කේ.ජී.එන්.ප්රියදර්ශන විසින් ආරම්භ කලද වකුගඩු මාෆියාව විසින් එයද අඩාල කරන ලදි.
වෛද්ය රංග මිගාර වීරක්කොඩි යාපනය සහ පොලොන්නරුව රෝහල්වල සේවය කරන විට තරුණ පිරිස් වකුගඩු දායකයන් ලෙස කොළඹ පුද්ගලික රෝහලකට යොමු කොට තිබුණි. කෙසේ වුවද අවසානයේ වකුගඩු ලබාදුන් තරුණයට මුදල් නොලැබුණි. ඔවුන් ඒ පිළිබදව පොලීසියට පැමිණිලි කලහ .දෙරණ රූපවාහිණිය මෙම සිදුවීම දිගින් දිගටම වාර්තා කළේය. ඉන් පසු චූදිත සුදුකරපටි ජාවාරම්කරුවන් මාධ්යට මුදල් ගෙවා එම සිදුවීමද යටපත් කළෝය
මෙම වංචාවට වතුකරයේ දුප්පත් තරුණයන් ද අසුවී තිබුණි. වාර්ශිකව රුපියල් බිලියන ගනනක් හුවමාරු වෙන මෙම ජාවාරමට සෞඛ්ය අමාත්යාංශයේ උසස් නිලධාරීන් පිරිසක් මෙන්ම ශ්රී ලංකා වෛද්ය සභාවේ ප්රබලයන් කිහිප දෙනෙකු සම්බන්ධ බවට කොළඹ ජාතික රෝහලේ හිටපු නියෝජ්ය අධ්යක්ෂ වෛද්ය රුක්ෂාන් බෙල්ලන ප්රකාශ කළේය .
නීති විරෝධී වකුගඩු ජාවාරම පිලිබඳ විමර්ශනය කිරීමට මීට වසර කීපයකට පෙර ශ්රී ලංකා වෛද්ය සභාව විසින් වෛද්ය ජයසුන්දර බණ්ඩාර කමිටුව පත් කලද වකුගඩු මාෆියාව විසින් එම කමිටුව අක්රිය කළේය . වකුගඩු මාෆියාවේ මුල්ය බලයට සියළු රාජ්ය ආයතන යටවී ඇත .
මේ හේතුව නිසා චූදිතයන් බේරී ගියා පමණක් නොව ඔවුන් තවමත් නීති විරෝධී මිනිස් අවයව ජාවාරම් වල නියැලෙති. මේ වන විට බරපතල චෝදනා ලැබ සිටින වෛද්ය රංග මිගාර වීරක්කොඩි මාතර දිස්ත්රික් රෝහලේ වකුගඩු පිලිබඳ වෛද්යවරයා ලෙස නිරුපද්රිතව කටයුතු කරයි.
