SJB මන්ත්රීවරුන් වන රාජිත සහ කිරිඇල්ල අයවැය විවාදය අතරතුර ආණ්ඩුවවට එක්වීමට නියමිත බවට වෙබ් අඩවි ගණනාවක් විසින් වාර්තා කොට ඇත. රාජිතට සෞඛ්ය ඇමති ධූරයත් කිරිඇල්ලට කැබිනට් ඇමති ධූරයකුත් ලබා දීමට නියමිත බව එම වාර්තා වල දක්වා ඇත.
හිරුණිකා පසුගියදා මී මැස්සෝ යූ ටියුබ් නාලිකාව සමග සංවාදයකට එක්වෙමින්, කිරිඇල්ල වයෝවෘද්ධ බවත් ඔහු දැන් දේශපාලනයෙන් ඉවත් විය යුතු බව සදහන් කළාය.
මේ පිළිබදව විමසීමට ”නැෂනල් ඇලට්” කිරිඇල්ල මන්ත්රීවරයාට කතා කළේය. වෙබ් අඩවි වාර්තා සත්ය නොවන බව එදිදී ඔහු ප්රකාශ කළේය . හිරුනිකා කළ ප්රකාශය ගැන අදහස් දැක්වීමට තමා අකමැති බව කිරිඇල්ල ප්රකාශ කළේය.
කෙසේ වුවද රාජිත සහ චතුර සේනාරත්න යන දෙදෙනාම සම්බන්ධ කර ගැනිමට ”නැෂනල් ඇලට්” ගත් උත්සාහය අසාර්ථක විය.
ලංකාවේ දේශපාලනය, පියාගෙන් දරුවන්ට උරුම වන බූදලයකි. මේ වන විට වයෝවෘර්ධ දේශපාලකයන් සිය දරුවන්ට දේශපාලන උරුමය පැවරීම සඳහා අනවරත අරගලයක් යෙදී සිටියි.
චතුර සේනාරත්නට SJB පක්ෂයෙන් මේ දක්වා කිසිම තනතුරක් හිමි වී නැත. සිය දේශපාලන උරුමය චතුරට පැවරීමට අවශ්ය බව රාජත කිහිප වරක් සජිත්ට දන්වා ඇත. නමුත් මේ දක්වා සජිත්ගෙන් ඊට නිසි ප්රතිචාර ලැබී නැත.
කිරිඇල්ල මන්ත්රීවරයාද සජිත් සමග එවැනි ගැටුම් ඇතිකරගෙන ඇත . කෙසේ වුවද කිරිඇල්ලගේ දුවට SJB පක්ෂයේ ඉහල තනතුරක් ලැබී ඇත.
නමුත් හිරුණිකා SJB පක්ෂයට සිදුකර තිබෙන වැඩ ප්රමාණයෙන් කුඩා කොටසක්වත් චමින්ද්රානි කිරිඇල්ල ඉටුකොට නැත .චමින්ද්රානි අඩුම තරමින් සාමන්ය පුරවැසියෙකු සමග අවංකව, විවෘතව කතා කිරීමටවත් නොදනියි .
ලංකාවේ දේශපාලනය පියාගෙන් දරුවන්ට උරුමවන බූදලයක් වීම ඛේදවාචකයකි. කරුනු එසේ හෙයින් රාජිත ආණ්ඩුවට යාමත් කිරිඇල්ල නොයාමත් සිදු වනු ඇත
